Nehemiya 12:25 - Mawu a Mulluku

²⁵ Mataniya, Bakibukiya, Obadiya Meshulamu, Talimoni ni Akubu yaari alonda a va millako nave oowehera ezipinda ddoosungellamo ddeko o enyumba ya Mulluku.

Nehemiya 12:25 ပူးပေါင်းရင်းမြစ်များ

Yesaya 21:8

Vano mulondooyo aakhuwella wi, “Apwiya, otthaana ottheene kinakhalla vanttatthani, mahiiyu mattheene kinakhalla vanipuroni naka owehera.

1 Epilli 26:15

Obedi Edomu aatthoolliwa wi awehereke mullako wa omwera nave anaaye yaatthoolliwa wi ewehereke enyumba yoosungellamo katundu.

1 Epilli 26:12

Alonda a vamullako wa enyumba ya Apwiya yakawiwe m'millokoni moollikana ni oohoollella a mabanjiiwa nave yaavahiwa mitteko ddoorumeyella mu enyumba ya Apwiya emoddamoddave yeeyottho ddakhallelliiwa ni Alevi abaliiwa.

1 Epilli 23:32

Mwawi eneerekowehera enyumba ya Apwiya. Nave eneerekewaakavihera anamwani a Aroni, abaliiwa vawaarumeyellani mwemmo.”

2 Mamwene 7:10

Sika yaaya o Samariya yawiithana alonda a voovollowella va muzinda yaalleella wi, “Hi nakelle o misasa dda Asiriya koma khenaamphwannyewo naari muthu mmodda. Naari wiiwa mawu kheniiwalle koma naphwanyille akavalo ni abulu eri oomaka navettho misasa ddiri monga mmo ddakhallelliiwa.”

1 Epilli 26:17

Woovollowa nndduwa wakhalla alonda atthanu ni mmodda nllapo ni nllapo, ompoto asese, omwera asese navettho eelli onyumbani woosungellawo katundu.

2 Epilli 8:14

Moollikana ni malangizo a Davide attiitthinnya, ahaakawa allupa mukutho mu milloko milloko aavaha mitteko ddiwa. Nave aakeraatthihattho milloko dda Alevi ni mitteko ddiwa dda nllapo ni nllapo ddookavihera allupa mukutho ollapella. Aatthoollattho milloko dda oowehera vamillakoni ddoohiyanahiyana vawi Davide muthu a Mulluku aalamulalle mwawi ddiiddo.