Nehemiya 12:24 - Mawu a Mulluku

²⁴ Oohoollella a Alevi, Hashabiya, Sherebiya ni Yeshuwa mwaana a Kadimiyele ni abaliiwa yaakaviherana vawiipani machipo oollapella ni oothokoza moollikana ni mmo Davide muthu a Mulluku alamulalleeye wi mulloko wiipeke moowaakakhana.

Nehemiya 12:24 ပူးပေါင်းရင်းမြစ်များ

Nehemiya 11:17

Vaakhallattho Mataniyo mwaana a Mika, mwaana a Zabidi, mwaana a Asafu oyo aari oohoollella wiipa machipo oothokoza mu enyumba ya Mulluku navettho Bakibukiya oyo aari oohoollella aneepiilli variyari va abalaaye. Vaakhallattho Abida mwaana a Shamuwa, mwaana a Galali, mwaana Yedutuni.

Nehemiya 9:4

Va nttattha namiteekho na Alevi, vahiimella Yeshuwa, Bani, Kadimiyele, Shebaniya, Buni, Sherebiya, Bani ni Kenani nave yaavekella mookhuwa wa Apwiya Mullukwiiwa.

Nehemiya 8:7

Athwaayo yiimenllettho Alevi yahaakavihera wi yiiwesese malamulo. Alevaayo tti Yeshuwa, Bani, Sherebiya, Yamini, Akubu, Shabetayi, Hodiya, Maaseiya, Kelita, Azariya, Yozabadi, Hanani ni Pelaya.

Ezara 2:40

Alevi a nibanja na Yeshuwa ni Kadimiyele sika wi edduullu dda Hodaviya yaari 74.

2 Epilli 8:14

Moollikana ni malangizo a Davide attiitthinnya, ahaakawa allupa mukutho mu milloko milloko aavaha mitteko ddiwa. Nave aakeraatthihattho milloko dda Alevi ni mitteko ddiwa dda nllapo ni nllapo ddookavihera allupa mukutho ollapella. Aatthoollattho milloko dda oowehera vamillakoni ddoohiyanahiyana vawi Davide muthu a Mulluku aalamulalle mwawi ddiiddo.

1 Mamwene 17:24

Nave mutthiyanoolle aamwaakhulla Eliya wi, “Vano kinnadduwella wi nyuwaano tti muthu a Mulluku navettho wi Apwiya ennallota oweella mwa nyuwaano.”

Yoswa 14:6

Athu a nlloko na Yuda yaawa wa Yoswa o Giligala. Kalebe mmodda a alliwaayo, mwaana a Yefune a o Kenizi aamulleella Yoswa wi, “Munnadduwella nnddo Apwiya yamulleelliiwa Mose muthu a Mulluku dda miyaano mu Kadeshi Baranea.

Deuteronomo 33:1

Alla sika madaliso ayo Mose muthu a Mulluku avelleelleeye wa Aisraele ahinakhwe.

2 Timoteo 3:17

wi muthu oomurumeyella Mulluku akhalle oophwanellella ni ookhozeka weera mitteko ddittheddene ddaphaama.

1 Timoteo 6:11

Koma weyaano muthu a Mulluku, thawa ddenndda nave othware echilungamo, omutitimiha Mulluku, echikhulupililo, echikondi, ovillella ni omaalleya.

Nehemiya 12:23

Edduullu dda Levi, makamaka oohoollella a mabanjiiwa, yaalembiwa mu Nibukhu na Epilli ophiyera enthawi ya Yohanani mwaana a Eliyashibu.

Nehemiya 12:36

Vaakhallattho abaliiwa monga Shemaya, Azarele, Milalayi, Gilalayi, Maayi, Netanele, Yuda ni Hanani ayo yatukhulla ezida ddawiipella machipo dda Davide muthu a Mulluku ni Ezara namalembella oyottho aahoollella.

1 Epilli 16:4

Nave ahaatthoolla Alevi amodda wi erumeyelleke o nibokosi na echipangano na Apwiya ni wi evekelleke, yaathokozeke ni waallapella Apwiya Mulluku a Israele.