Nehemiya 11:18 - Mawu a Mulluku

¹⁸ Alevi attheene ayo yakhalla mu muzinda woopatuleya yaari 284.

Nehemiya 11:18 ပူးပေါင်းရင်းမြစ်များ

Nehemiya 11:1

Vano oohoollella yakhalla mu Yerusalemu nave athu amodda yahoombesa wi emutthoolle muthu mmodda mwa athu khumi wi akhalleke mu muzinda woopatuleya, Yerusalemu nave athu atthanu ni asese oohallaalle ekhallekeve m'mizi.

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Mateyu 27:53

Yaakhumamo mu mahame mwiwa nave Yesu avenyille wa ookhwa, alliwaayo yaavollowa mu muzinda waweella, Yerusalemu, yooneya wa athu anchichi.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

1 Mamwene 11:13

Ngimwaakha omwene muttheene koma kineeromuhiyera nlloko nimodda ekaamba ya Davide oorumeyellaaka navettho ekaamba ya muzinda wa Yerusalemu oyo kawutthoonlleemi.”

Mateyu 4:5

Vano Satana aamukusella Yesu o muzinda waweella, Yerusalemu. Aamwiimesa otthoka va enyumba ya Mulluku,

Nehemiya 11:17

Vaakhallattho Mataniyo mwaana a Mika, mwaana a Zabidi, mwaana a Asafu oyo aari oohoollella wiipa machipo oothokoza mu enyumba ya Mulluku navettho Bakibukiya oyo aari oohoollella aneepiilli variyari va abalaaye. Vaakhallattho Abida mwaana a Shamuwa, mwaana a Galali, mwaana Yedutuni.

Nehemiya 11:19

Alonda a millako dda enyumba ya Mulluku yaari Akubu, Talimoni ni abaliiwa, attheene yaari 172.