Nehemiya 11:17 - Mawu a Mulluku

¹⁷ Vaakhallattho Mataniyo mwaana a Mika, mwaana a Zabidi, mwaana a Asafu oyo aari oohoollella wiipa machipo oothokoza mu enyumba ya Mulluku navettho Bakibukiya oyo aari oohoollella aneepiilli variyari va abalaaye. Vaakhallattho Abida mwaana a Shamuwa, mwaana a Galali, mwaana Yedutuni.

Nehemiya 11:17 ပူးပေါင်းရင်းမြစ်များ

1 Epilli 9:15

Waarittho Bakibakara, Hereshi, Galali ni Mataniya mwaana a Mika, mwaana a Zikiri, mwaana a Asafu.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Nehemiya 12:31

Nave kaawaana oohoollella a o Yuda kiwellana va esiri ya mpandooyo. Kaatthoolla milloko miilli dduullupalli wi ddimuthokoze Mulluku ni machipo vawaapheellani muzindooyo. Mulloko mmodda wayiille onnattanatta va esiri ya mullako wa Mashi.

Nehemiya 12:25

Mataniya, Bakibukiya, Obadiya Meshulamu, Talimoni ni Akubu yaari alonda a va millako nave oowehera ezipinda ddoosungellamo ddeko o enyumba ya Mulluku.

1 Epilli 16:41

Athwaayo yaari vamodda ni Hemani ni Yedutuni ni amodda ayo yatthoolliwe mowaaromolla manddina wi yaathokozeke Apwiya vawi echikondiiwa yoohisintheya tti ya o enthawi yoohimalla.

1 Epilli 16:4

Nave ahaatthoolla Alevi amodda wi erumeyelleke o nibokosi na echipangano na Apwiya ni wi evekelleke, yaathokozeke ni waallapella Apwiya Mulluku a Israele.

2 Samuele 9:12

Mefibosheti aakhalla ni mwaana mung'onong'ono, nnddina naye Mika. Nave athu attheene yakhalla mu enyumba ya Ziba, yaakhalla oomurumeyella Mefibosheti.

Nehemiya 11:16

Shabetayi ni Yozabadi yaari oohoollella a Alevi ayo yalamulella mutteko wa otte wa enyumba ya Mulluku.

Nehemiya 11:18

Alevi attheene ayo yakhalla mu muzinda woopatuleya yaari 284.

Nehemiya 12:24

Oohoollella a Alevi, Hashabiya, Sherebiya ni Yeshuwa mwaana a Kadimiyele ni abaliiwa yaakaviherana vawiipani machipo oollapella ni oothokoza moollikana ni mmo Davide muthu a Mulluku alamulalleeye wi mulloko wiipeke moowaakakhana.

Nehemiya 12:46

Vawi khalle mu enthawi ya Davide ni Asafu waakhalla oohoollella a awiipa machipo oomutitimiha ni oomuthokoza Mulluku.