Nehemiya 10:34 - Mawu a Mulluku

³⁴ Hiyaano athu shisha, allupa mukutho ni Alevi nineerewoombesattho wi niphwanye mabanja ayo enaaweena ekhuni o enyumba ya Mullukwaahu mu enthawi yookeraatthihiwa orive muyakha wi ddooselliweke mikutho dda va nikuwa na Apwiya Mullukwaahu moollikana ni nnddo ddilembiwe m'malamuloni.

Nehemiya 10:34 ပူးပေါင်းရင်းမြစ်များ

Nehemiya 13:31

Nave kahoonesesa wi ekhuni dda mukutho ni ezipaso ddawaamba ddinnavelleelliwa mu enthawiiwa. Nyuwaano Mullukwaaka, kuupuwelleni ekaamba ya ddenndda.

Yesaya 40:16

Otthako wa o Lebanoni khokwakhwanihella ekhuni ddookharihella munllo, enama dda mwemmo khaddikwakhwanella ovelleella mukutho wawoosa.

Miyambo 18:18

Woombesa sika onamalliha okangana, owaakanulla athu amasiva.

Nehemiya 11:1

Vano oohoollella yakhalla mu Yerusalemu nave athu amodda yahoombesa wi emutthoolle muthu mmodda mwa athu khumi wi akhalleke mu muzinda woopatuleya, Yerusalemu nave athu atthanu ni asese oohallaalle ekhallekeve m'mizi.

1 Epilli 24:7

Otthoolliwa wawaamba wammorenlle Yehoyaribu, waneepiilli Yedaya,

1 Epilli 24:5

Yaatthoollille mwawoombesa moohiweha ekhove vawi vaakhalla oorumeyella a o nipuro noopatuleya ni oohoollella a Mulluku variyari va edduullu dda Eleazara navettho variyari va edduullu dda Itamara.

Yoswa 9:27

Koma enthawi yeeyo, yaatthattuwa oowaashella ekhuni navettho owaarikella maaddi athu a vamutthukumanonimvo ni o nikuwani na mukutho na Apwiya. Ophiyera ollello, enneerave ddenndda o orive nipuro nko Apwiya enaatthoolliiwa.

Mitteko 1:26

Yahoombesa nave Matiyasi aatthoolliwa akhalla murummwa nimodda ni amurummwa amodda khumi ni mmoddaayo.

Levitiko 24:5

“Mukuse makilogaramu khumi ni meelli a othu waphaama, mumwaapeye buledi khumi ni miilli.

Levitiko 24:6

Mumuhiye m'mizereni miilli vatebuloni oohuruwelliwa ni golide aphaama wunchichi vamiitthoni va Apwiya, orive muzere okhalle wa buledi mutthanu ni mmodda.

Numeri 28:2

aalamule Aisraele wi, “Mooneseseke wi munnavelleella munthawini mwiwa wa miyaano ddoovelleella ddaka, yoochaaka ya mikutho ddawoosiwa viikho dda nthuko nookiddivella.

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

Ezara 3:5

Vatulli viwa, yaanavirellella ovelleella mikutho ddooshellelliha mwa enthawi ddittheddene ddoovelleella dda Ehakallallo ya Wooneya wa Mweeri ni dda mallapo mattheene a machellello a Apwiya yakeraatthihiwe navettho ddoovelleella dda arive muthu wa Apwiya mwa opaalla waye.