Nehemiya 10:31 - Mawu a Mulluku

³¹ Nave athu a mitundu ddimodda amwiillaponimmo yawaana tirigu apaalle ddeko ddimodda ddookulliha va nllapo na Sabata, khenaakulla nllapo nenno naarittho va nirive nllapo naweella. Orive muyakha waneetthanu ni piilli nineerewiithuuwiha emata nave nineerokhululukella ekongoli ddittheddene.

Nehemiya 10:31 ပူးပေါင်းရင်းမြစ်များ

Levitiko 23:3

Va mallapo matthanu ni nimodda ophareke mitteko ddawo koma nllapo naneetthanu ni piilli tti nllapo na Sabata, nllapo nawiithuuwa, nllapo na mutthukumano woopatuleya. Tti nllapo na Sabata na Apwiya nave onisungeke orive weko onaakhallekeewe.

Eksodo 20:10

Koma nllapo naneetthanu ni piilli tti na Apwiya Mullukwaawo, sika wi va nllapo nenna ohiphareke orive mutteko, weyaano, mwanawo aamullopwana, mwanawo aamutthiyana, mullupa muttekwaawo aamullopwana, mullupa muttekwaawo aamutthiyana, erive echiwetwaawo apaalle mulleto ookhalla ni weyaano.

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 16:29

“Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu.

Eksodo 12:16

Va nllapo nawaamba ni va nllapo naneetthanu ni piillinno mweeriheke mutthukumano woopatuleya. Muhiphareke mutteko va mallapo yaayo koma muneerekokhoza yoochave yawi arive muthu acheke.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

Eksodo 34:16

Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Nehemiya 13:23

Enthawi yeeyo kaawoona Ayuda ayo yaatthenlle atthiyana a o Ashidodi, a o Amoni navettho a o Mowabu.

Nehemiya 13:27

Ethiyo vano nuuttakiheni nyuwaano vaweerani yoonanara yuullupalli ddiidda ni okhallattho oohiroromelleya wa Mullukwaahu vawaatthellani atthiyana eelleto?”