Nehemiya 10:30 - Mawu a Mulluku

³⁰ Khaniwa naavelleella aniihu aatthiyana wi etthelliwe ni anamwani a athu eelleto nave khenaakusa aniiwa aatthiyana wi etthelliwe ni aniihu.

Nehemiya 10:30 ပူးပေါင်းရင်းမြစ်များ

Deuteronomo 7:3

Nave muhitthellaneke ni alliwaayo nave muhaatthellaniheke aniinyu aatthiyana ni aniiwa aallopwana apaalle waatthellaniha aniinyu aallopwana ni aniiwa aatthiyana.

Eksodo 34:16

Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Nehemiya 13:23

Enthawi yeeyo kaawoona Ayuda ayo yaatthenlle atthiyana a o Ashidodi, a o Amoni navettho a o Mowabu.

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

Nehemiya 13:30

Vano kaaweelliha o erive ello yeelleto nave kaahiyattho allupa mukutho ni Alevi m'mapuroni mwiwa wi arive muthu aphareke muttekwaaye.

Deuteronomo 29:11

aniinyu, awarinyu ni alleto ayo eri variyari vanyu nave ayo enuutthallellani ekhuni ni wuurikellani maaddi.

2 Mamwene 23:3

Vano mwenooyo ahiimella va opoto woomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe munibukhuninna. Sika athu attheene yahaakhullella othwara echipanganweeyo.

2 Mamwene 23:25

Yosiya ahinavollowe omwene, khaarivottho mwene mmodda oophwanaphwanana oyo arukunuwelle wa Apwiya ni murimaaye muttheene, okumaaye muttheene ni masivaaya mattheene, voothwarani malamulo a Mose. Nave olliye akhwille, khaarivottho mmodda oophwanaphwanana.

2 Epilli 34:31

Vano mwenooyo ahiimella va nipuro naye noomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe mu nibukhunna.

Nehemiya 5:12

Vano alliwaayo yahaakhulla wi, “Nineerewaahokollosella ddittheddenenndda nave khenikusavo ello. Nineereweera wonanko mmo mullotelleenyu.” Vaavo kaawiithaniha allupa mukutho nave kahaallupelliha wi yeere moollikana ni mmo yalonjezilliiwa.

Nehemiya 10:1

Ayo yadindalle yaari enduna Nehemiya mwaana a Hakaliya ni Zedekiya.

Masalimo 119:106

Koollupella nave koosimikiza wi kiiwellelle malangizwaanyu oolungama.