Nehemiya 10:29 - Mawu a Mulluku

²⁹ hiyaano attheene nahiiwanana ni abalaahu, oohoollellaahu, nillupella wi nineereweeta mu malamulo a Mulluku ayo yavelleelliwe oweella mwa Mose oorumeyella a Mulluku. Sika nineerewiiwellella malamulo mattheene ayo Apwiya Mullukwaahu yanilamulelliiwa nave nineerosunga malangizwiiwa mattheene. Nave nitembeleliwe naahiiwellella apaalle weera ddenndda.

Nehemiya 10:29 ပူးပေါင်းရင်းမြစ်များ

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

Masalimo 119:106

Koollupella nave koosimikiza wi kiiwellelle malangizwaanyu oolungama.

Yohane 15:14

Nyuwaano tti akhwaaka mweera kinuulamuleemini.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

2 Epilli 34:31

Vano mwenooyo ahiimella va nipuro naye noomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe mu nibukhunna.

2 Mamwene 23:3

Vano mwenooyo ahiimella va opoto woomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe munibukhuninna. Sika athu attheene yahaakhullella othwara echipanganweeyo.

Mitteko 23:21

Koma muhiwiiwellelle kaambiiwa wookhalla athu ookhwaranya 40 ayo eniipitthe emutiyeraka wi emwiiphe. Aallupella wi khecha apaalle owirya ophiyera emwiiphalle. Aakhozekella weera ddenndda nave enatiyera wi yiiwe mmo nyuwaano munaawaakhullelleenyu.”

Mitteko 17:34

Athu amodda yaakhulupilila emuthwara, mwa yaayo mwaakhallattho Dionizio, mmodda a athu a va nthato namillatu ni mutthiyana mmodda nnddina naye Damarisi ni athu amodda.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Yohane 7:19

Mose ahuuvahani malamulo, khe ddiiddo? Koma khaavo a nyuwaano anathwara malamulwaalla. Muneeseesella tini okiipha?”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Yeremiya 26:4

Waalleelle wi Apwiya enallota wi, ‘Mwaahikiiwellella, mwaahithwara malamulo kuuvahilleemini,

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Masalimo 105:45

wi athwiiwa esungeke malangizo, ethwareke malamulwiiwa mattheene. Aleluya!

Masalimo 8:9

Mulluku, Apwiihu, nnddina nanyu tti noovuwa va ellapo yavatthi.

Masalimo 8:1

Mulluku, Apwiihu, nnddina nanyu tti noovuwa va ellapo yavatthi. Munnooniha ntitimiho nanyu oddullu.

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

2 Mamwene 10:31

Koma Yehu khiiwellella malamulo a Apwiya Mulluku a Israele ni murimaaye muttheene. Aavirellellave weera ddoonanara nnddo Yerobowamu aachimwihalleeyena Aisraele.

Deuteronomo 33:4

Malamulo ayo Mose avelleelleeye, yoohallana ya mutundu wa Yakobo.

Deuteronomo 5:32

“Nyu Aisraele muchenjere wi mweereke nnddo Apwiya Mullukwaanyu yuulamulalliiwani, oohirukunuwella onnattanatta apaalle wuunyotthoni.

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Numeri 5:21

(Vano mullupa mukuthooyo amullupellelle mutthiyanooyo ni mawu ootembelela wi), ‘Apwiya enitthattuse nnddina nawo wi nikhalle tembelelo variyari va mutundwaawo. Apwiya enyaallihe mukhoveni mwawo nave erukullwaawo yiipe.

Nehemiya 9:38

“Ekaamba ya ddittheddenenndda, ninapaalla neere echipangano yoosimikizeya moolemba nave oohoollellaahu, Alevaahu ni allupa mukuthwaahu aadinda echidindo.”

Yeremiya 34:15

Komave mallapo evirallaayo mwaalapa nave mwahaamba weera nnddo kinapaalleemi. Attheene mwahiiwanana ddawaattaphulla akhwiinyu nave mwaalonjeza weera ddenndda mu enyumba eyo enadduwelliwa ni nnddina naka.

Levitiko 20:26

Mukhalleke aweella vamiitthoni vaka vawi miyaano tti aweella nave kohuupatulani variyari va athu attheene wi mukhalle athwaaka.

1 Epilli 9:2

Aisraele awaamba oohokollweella mwiillaponi mwiwa ni m'mizindani mwiwa yaari athu shisha a Israele, allupa mukutho, Alevi ni allupa mutteko a o enyumba ya Apwiya.

Nehemiya 7:46

Allupa mutteko a o enyumba ya Mulluku, edduullu dda Ziha, Hasufa, Tabaoti,

Nehemiya 8:2

Vano Ezara mullupa mukutho aawaana nibukhunno vamiitthoni va athu yatthukumanillaayo, allopwana, atthiyana ni anamwani ayo yawora wiiwesesa phaama.

Nehemiya 8:3

Vano Ezara aheerenga ovenyera munibukhunimmo ari moowehana ni nthato na maaddi waambeella ohinase ophiyera otthaana vamiitthoni va allopwana, atthiyaana ni anamwani ayo yawora wiiwesesa phaama. Sika athu attheene yahaapella maaru o nibukhu na malamulo neerengiwanno.