Nehemiya 1:7 - Mawu a Mulluku

⁷ Nooweerellani ddoonanara ddinchichi nave kheniiwellelle malamulwaanyu, malangizwaanyu ni echiweruzwaanyu mwaninnyalleenyu oweella mwa Mose oorumeyellaanyu.

Nehemiya 1:7 ပူးပေါင်းရင်းမြစ်များ

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

2 Epilli 27:2

Olliye aheera ddoolungama vamiitthoni va Apwiya moollikana ni mmo eerella Uziya attiitthinnya nave khaachimwalle vawoosani lubani mu enyumba ya Apwiya. Nave athu yaanavirellellave weera machimo.

2 Epilli 25:4

Koma khaawiiphalle anamwani a athwaayo moollikana ni nnddo ddalembiwe mu nibukhu na malamulo a Mose mmo Apwiya yalamunliwa wi, “Makhollo ehiiphiweke ekaamba ya aniiwa, emoddamoddave anamwani ehiiphiweke ekaamba ya makhollwiiwa koma arive muthu iiphiweke ekaamba ya nichimo naye.”

1 Mamwene 2:3

Wiiwellelleke malangizo a Apwiya Mullukwaawo, ni weeta mu ettilla ddiwa, osungeke malembiiwa, malamulwiiwa, weeruza wiwa ni omboniiwa moollikana ni mmo ddilembelliwiiwa mu malamulo a Mose wi weereke mweezeru erive ello. Mwawi ddiidda oneerekopambana nave ddineerekoweetella phaama orive weko onaayeekeewe.

Deuteronomo 6:1

“Vano alla tti malamulo ni malangizo mattheene ayo Apwiya Mullukwaanyu yakilamulalliiwa wi kuuhuddiheni. Nyuwaano ni edduullu ddanyu muthwareke ddenndda mu ellapo eyo munaavolloweenyumo ni waakha.

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Deuteronomo 4:1

“Vano nyu Aisraele mwiiwellelleke malamulo ni malangizo mattheene kinuuhuddiheemini wi mukhalle ni okumi. Nave muneerovollowa ni waakha ellapo eyo Apwiya Mulluku a makhollwaahu enuuvaheewani.

Levitiko 27:34

Yaalla tti malamulo ayo Apwiya yamulamulalliiwa Mose vamwaangoni wa Sinai wi aalleelle Aisraele.

Yesaya 1:4

We ootulli, mutundu wa athu oochimwa, athu oollemelliwa ni ddoonanara. Muyariwe ovenyera wa athu aweera ddoonanara, anamwani ookeraattheya mu ddoonanara. Mohaahiya Apwiya, moomuvevulla Aweella a Israele, moomureya etulli.

Masalimo 89:31

yatathilla ehuddihwaaka, yaahisunga malangizwaaka,

Masalimo 89:32

kineerewaallaka ni ekopo ekaamba ya ddoolakwa ddiwa. Kineerewaawashulla ni muwashullo ekaamba ya machimwiiwa.