Nehemiya 1:6 - Mawu a Mulluku

⁶ Apellani maaru nave khunuullani miittho wi mwiiwe ovekella wa oorumeyellaanyu nko kinavekelleemi vamiitthoni vanyu otthaana ni mahiiyu waavekellella Aisraele oorumeyellaanyu, owulula machimwiiwa ayo nichimwalleehu vamiitthoni vanyu. Ddawoona, miyaano ni nibanja na makhollwaaka nohuuchimwellani.

Nehemiya 1:6 ပူးပေါင်းရင်းမြစ်များ

Daniele 9:20

Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

2 Epilli 29:6

Vawi makhollwaahu yaari oohiroromelleya nave yaheera ddoonanara vamiitthoni va Apwiya Mullukwaahu. Yahaahiya Apwiya, yaareya ekotho nko wakhalla Apwiya, yahaareya etulli.

2 Epilli 6:40

Vano nyu Mullukwaaka, khunuullani miitthwaanyu nave apellani maaru o mavekello eneeriiwa vanipuronimva.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.

2 Timoteo 1:3

Kinnamuthokoza Mulluku oyo kinamurumeyelleemi ni yawuupusella murima yaweella wonanko mmo yeerella makhollwaaka. Kinnamuthokoza kaawuupuwellaka weyaano enthawi ddittheddene m'mavekelloni mwaka otthaana ni mahiiyu.

Maliro 5:7

Makhollwaahu yaachimwa nave kheyiiwo, vano nootukhulla machimwiiwa.

1 Timoteo 5:5

Oyo ari naamukhwellekhwelle navettho khanna oomukavihera, akeraatthihe etiyerellwaaye mwa Mulluku navettho avirellelle ovekella otthaana ni mahiiyu wi amukavihere.

Masalimo 130:2

Nyu Apwiya, iwani mawaaka, kireyeni maaru wi mwiiwe ovekella waka.

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Ezara 10:1

Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Masalimo 88:1

Nyu Apwiya Mulluku oovullusaaka, kinninllella otthaana ni mahiiyu.

Ezara 10:11

Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

2 Epilli 28:10

Vano munapaalla wi muweerihe athu a o Yuda ni a o Yerusalemu okhalla akaporwaanyu. Ethiyo nyuwaano khemunna machimo aweekhiinyu vamiitthoni va Apwiya Mullukwaanyu?

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

1 Mamwene 8:30

Iwani nivekello na oorumeyellaanyu ni na athwaanyu Aisraele yaavekellaka va nipuro nenna. Ddawoona, mwiiwe oddullunko munakhalleenyu nave mwiiwa mukhululuke.

1 Mamwene 8:47

Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

Daniele 9:5

Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Daniele 9:8

Nyu Apwiya, muru oniwulle hiyaano vamodda ni mamwenaahu, enduna ddahu ni makhollwaahu ekaamba yawi nohuuchimwellani.

Daniele 9:15

“Nyu Apwiya Mullukwaahu, mwahaakhumiha athwaanyu o Iguputo ni nnatta nanyu namasiva nave nnddina nanyu tti noovuwa ophiyera ollello. Koma hiyaano noochimwa, noheera ddoonanara.