Nahumu 2:3 - Mawu a Mulluku

³ Ezishango dda akhotwiiwa tti ddoofiira, akhotwiiwa attheene ewanre ddoowara ddoonyezimella. Yiimenlle phaamaddene va mizere ddakhoto, magaretiiwa enyezimilaka wonanko okhara wa munllo, akavalo elluphalluphaka.

Nahumu 2:3 ပူးပေါင်းရင်းမြစ်များ

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Yawuupullulla 6:4

Kavalo aneepiilli aakhumellella nave aari oofiira. Oomuwellooyo aavahiwa olamulello woovenyihavo murendelle muttheene va ellapo yavatthi wi athu yiiphaneke. Aavahiwattho nsupada nuullupalli.

Zekariya 11:2

Nyu miteekho dda paini, inllani mookhuwa, vawi mikunguza ddookuhiwa, miteekho ddamasiva ddohoonongeya. Nyu mithundu dda o Bashani, inllani mookhuwa vawi otthako woophipa wohuuhiwa.

Zekariya 6:2

Nigareta nawaamba nakokiwa ni akavalo oofiira, naneepiilli ni akavalo ooripa,

Zekariya 1:8

“Mahiiyu kahoona ddeko mu masomphenya. Kaamoona muthu amuwenlle kavalo oofiira nave iimenlle va asimiteekho amakukhu muntaponi. Nave vatulli viwa vaari akavalo oofiira, oosiripa ni aweella.

Yesaya 14:8

Miteekho dda paini ddinnahakallallella omora wa Babiloni. Nave mikunguza dda o Lebanoni ddinallota wi, ‘Waambeella wamorihiweewe, khaavo awiille wi anuuhe.’

Yobu 39:23

Munigoneloni mwa oowellavwaaye muninlla ngwinjiri vakhakaddani vaye, momba ni nivaka ddinneera ng'aning'ani.

Ezekiele 23:24

Eneeroowa ovenyera ompoto va a kavalo akhoto ni magareta. Eneerowaapheella ewarille ddawiitetezella ni ezipewa ddakhoto. Kineerewuuhiya m'mattani mwiwa wi yuullake nave eneerewuullaka moollikana ni mmo enaapaallelliiwa.

Ezekiele 26:7

“Mi Apwiya Mulluku kinallota wi, ‘We Tiro, kineerewuuwiihella Nebukadinezara mwene a o Babiloni, mwene a mamwene ovenyera ompoto. Aneeroowa ni mulloko muullupalli wakhoto, akavalo, magareta ni oowella va akavalo.

Nahumu 3:2

Ngiiwani winlla wa miwashullo, oruma wa magudumu, mikhito dda akavalo ni ogugudeya wa magareta.

Masalimo 80:13

Ekulluwe ddamuutthakoni ddinnawoononga, enama ddamuhakani ddinnawucha.