Nahumu 1:4 - Mawu a Mulluku

⁴ Yahumullulla enyanja, ennumma, ennummihattho mihinje ddittheddene. Ddoomella dda o Bashani ni Karimele ddinnumma, malluwa o Lebanoni ennanyaalla.

Nahumu 1:4 ပူးပေါင်းရင်းမြစ်များ

Yesaya 33:9

Ellapo eniminlla nave ehanlle vang'ono omalla. Otthako wa o Lebanoni woonyaalla nave ntapo naphaama na Sharoni nootthattuwa echipululu nave miteekho dda o Bashani o Karimele ddoovakareya makukhu.

Masalimo 106:9

Aayihumullulla Enyanja Yoofiira yumma, ahaahoollella mu enyanja yoowallamella, yeeta vawumma wonanko mu echipululu.

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?

Yesaya 44:27

Miyaano sika kinalleella Enyanja Yuullupalli wi, ‘Umma nave mihinje ddawottho kineeroddummiha.’

Masalimo 114:5

We enyanja enuukatamiha tti tini wi othaweke? We Yordani onahokollweellella tini mutulli?

Masalimo 114:3

Enyanja yahoona ddenndda ethawa, muhinje wa Yordani waahokollweella mutulli.

Masalimo 104:7

Mwaahumullullalle maaddaayo yaathawa, yiiwalle othuruma wa ogugudeya wanyu yaapallalleya.

Masalimo 74:15

Mwahaatuulla aneetuutu ni mihinje, mwahummiha mihinje dduullupalli.

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Amosi 1:2

Amosi aallota wi, “Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu. Munyepu onimanyaalla, manasi a vamwaangoni wa Karimele enimumma.”

Ezekiele 30:12

Kineerewummiha muhinje wa Nailo nave kineerokulliha ellapo ya Iguputo wa athu oonanara. Ellapweeyo kineeroyoononga vamodda ni ddittheddene ddiri mwemmo vooyihiyani m'mattani mwa alleto. Mi Apwiya koollota.

Yobu 38:11

Sika kaallota wi, “Ophiye mvo ohikhwaranyevo, enaakomelle vaava mafundaawo awiitukhullaayo.”

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.

2 Samuele 22:16

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Apwiya yasimwalliiwa moowalli, yavumalliiwa mpweya mwamasiva ovenyera mphunani mwiwa.

Yesaya 42:15

Kineerewoononga miyaango ni asimiyaango, kineerewummiha manasi ni miteekho ddene wenko. Kineerotthattusa mihinje wi ddiwe mitunda, kineerewummiha mathiya.

Ezekiele 38:20

Ehomba ni epallame, enama ddamuhakani ni ddawaapadda ddittheddene vamodda ni athu attheene ookhalla mu ellapo yavatthi ddineerotthukumella vamiitthoni vaka. Miyaango ddineeromora, mapuro ooserereya owaaka esiri ddittheddene ddineerokumuwa.

Masalimo 18:16

Eri oddullu Apwiya yaattaphurusa nnatta niwa ekiphara, ekiruulla m'maaddini oowallamella.