Miyambo 7:12 - Mawu a Mulluku

¹² Annaphwanyeya m'misewuni, m'misika nave anniipittha m'makhullukanoni.

Miyambo 7:12 ပူးပေါင်းရင်းမြစ်များ

Miyambo 23:28

Annawiipitthella wonanko allupaawiiya nave annawoonjerera allopwana oohiroromelleya.

Miyambo 9:14

Annakeraatthi va mullako wa enyumbaaye ni m'mapuroni oowella a muzinda,

Yawuupullulla 18:3

Vawi athu a mitundu ddittheddene aamuwirya vinywaaye oolezeliha aweeriha ddooraruwa ddayennddo. Mamwene a va ellapo yavatthi yaararuwana, allupa malonda attheene yaakhalla ni eyuuma ekaamba ya eyuumaaye ni oraruwa waye.”

Yawuupullulla 18:23

Khamuwattho mooneya okhara wa enyali mwa weyaano, khamuwa mwiiweya mawu a ootthella ni ootthelliwa mwa weyaano. Allupa malondaawo yaari amasiva va ellapo yavatthi ettheene koma wahaalleka athu attheene a va ellapo yavatthi ni masengaawo!”

Ezekiele 16:31

Waamaka mapurwaawo ooraruwa va orive musewu nave nipuro noollapellamo va nirive nthato. Koma we khaweera wonanko eneerella ooraruwa amodda vawi khawaapaalla ollivelliwa.

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 2:33

Khaavo anuukhwaranyeni va owaasha ookondiwa eelleto sika ttuuwaahuddiha atthiyana oonanara ettilla ddanyu.

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Miyambo 7:8

Eeta mu ettilla yawaatamana ni makhullukano a enyumba ya mutthiyana, m'musewuni wooya onyumbani waye.