Miyambo 4:4 - Mawu a Mulluku

⁴ attiitthaakaayo yaakihuddiha mawu awi, “Osunge m'murimani mwawo malangizwaaka nave ovitthe malamulwaaka wi okhalle ni okumi.

Miyambo 4:4 ပူးပေါင်းရင်းမြစ်များ

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Yohane 12:50

Nave kinnadduwella wi enalamula nnddo ddinavaha okumi woohimalla. Vano kinalloteemi tti nnddo Attiitthaaka ekilleelliiwa.”

Miyambo 7:2

Sunga malamulwaaka wi okhalle ni okumi, pwatha malangizwaaka wonanko niittho nawo.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

2 Timoteo 3:15

nave onnadduwella wi waambeella khalle weyaano ori mwaana, woodduwella mawu aweella ayo enaawore wuuvaha ezeru ddawuuhoollella o echikhulupililo mwa Khrisitu Yesu wi ovullusiwe.

Aefeso 6:4

Nyu attiitthi, muhaashiheke murima aniinyu. Koma mwaallelleke phaama vawaahuddihani makhallello ni ehuddiho ya Apwiya.

Deuteronomo 6:6

Mwaasungeke phaama m'murimani mwanyu malamulo kinawinnyeemini ollellwaalla.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

2 Timoteo 1:5

Kinnuupuwella echikhulupililo yoohilleka eyo eri mwa weyaano, eyottho yaambille ophwanyeya mwa amunno Loisi ni amaayo Yunisi. Kinimasimikiza wi naweenettho wookhalla ni echikhulupililo yeella.

Miyambo 22:6

Mwaana mumuhuddiheke ettilla yawi eetekemo sika naari uulluvanlle khawa ayihiya.

Masalimo 119:11

Kohaasunga mawaanyu m'murimani mwaka wi kihuuchimwelleni.

Deuteronomo 4:9

Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Masalimo 119:168

Kinnathwara malamulwaanyu ni malangizwaanyu vawi makhallellwaaka mattheene munnawoona.

Miyambo 23:26

Mwanaka kaapelle maaru ni murimaawo muttheene nave miitthwaawo eweheseseke ettilla ddaka.

Oweeruza 13:12

Manowa aamukoha wi, “Vano nnddo mwallotilleenyu ddeereya, musombooyo anaakhalleke mwawiidde nave anaaweereke tini?”

Masalimo 119:144

Malamulwaanyu tti oolungama wa enthawi yoohimalla, kivaheni ddawiiwesesa wi kikhalle ni okumi.

Miyambo 3:2

Vawi eneerowoonjerera mallapo manchichi nave oneerokhalla ni miyakha ddinchichi ni murendelle.

Yeremiya 38:20

Yeremiya ahaakhulla wi, “Iyaayi, kheyuuvelleellani. Mwiiwellella mawu a Apwiya, kinuulleellani wi ddeko ddittheddene ddineeroweetellani phaama nave muneerokhalla ni okumi.