Miyambo 3:9 - Mawu a Mulluku

⁹ Waatitimiheke Apwiya ni eyuumaawo ettheene ni ddoohata ddawo ddawaamba.

Miyambo 3:9 ပူးပေါင်းရင်းမြစ်များ

1 Akorinto 16:2

Nirive Nllapo Namulungu arive muthu anyuwaano akuseke makobiri mamodda moollikana ni mmo muphwanyelleenyu nave musunge wi vihikhalle opaalleya ovelleella makobiri kaawaaka.

Eksodo 23:19

“Oweekena ddeko ddaphaama wunchichi dda ddoohata ddawo ddawaamba dda m'matani mwawo, onipuroni na mallapello na Apwiya Mullukwaawo. “Ohaapeyeke enama ya musaana a epuri apaalle a enkhosa voopharihellani mutteko mukaka wa amennya.

Miyambo 14:31

Owaanyingallella oohoowa annamweerella epewe Mullukwaaye koma ooweerella echifundo oopaneya annamutitimiha.

Eksodo 22:29

“Ohisellihe ovelleella wa miyaano ddoovelleella ddoovenyera va ddinchichi dda ddoohata ddawo dda vinywaawo ni dda makhuraawo a olivi. “Waavelleellekettho wa miyaano anaawo aallopwana awaamba.

Eksodo 34:26

“Muweekena ddeko ddaphaama wunchichi dda ddoohata ddanyu ddawaamba dda m'matani mwanyu, onipuroni na mallapello na Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

2 Epilli 31:21

Nave mitteko ddittheddene voorumeyellani o enyumba ya Mulluku moollikana ni malangizo ni malamulo omullapella Mullukwaaye, aaddeera ni murimaaye muttheene nave ddaamweetella phaama.

Masalimo 144:13

Ekhokwe ddahu ddikhalle ddooddalla, ddisunge ddoohata dda orive mutundu. Enkhosa ddahu ddaarelle asaana ooheerengeya m'makhollani mwahu.

Miyambo 11:25

Murima woovaha oneerotukhuwa, oohellella nayeene aneerohellelliwa.

Yesaya 43:23

Khawaavelleelle wa miyaano enkhosa wi ddikhalle ddoovelleella ddooshellelliha, khawaakititimihalle ni mikutho ddawo. Nguullemenlle vawuuvekani ddoovelleella ddawo, nguutopihalle vawuuvekani lubani.*

Eksodo 23:16

“Okhallekettho ni nllapo na Ehakallallo ya Ddoohata Ddawaamba va enthawi yawaamba ohata. Okhallekettho ni nllapo na Ehakallallo Yootthukumaniha Ddoohata ddittheddene va omalla wa muyakha.

Levitiko 19:25

Koma va muyakha waneetthanu, muneerewaakhullelliwa oddicha ezipaso ddiwa. Vano mweera ddenndda miteekho ddanyu ddineerekewimma wunchichi. Mi tti Apwiya Mullukwaanyu.

Numeri 15:20

Va Buledaanyu a ddoohata ddawaamba, muvelleelleke mwitthi mmodda wi akhalle mukutho. Mumuvelleelle wonanko mmo muneerelleenyu voomuuputhani tirigu.

Deuteronomo 14:29

Yoocha yeella tti ya Alevi vawi alliwa khenna ellapo wonanko yoohallaniiwa. Navettho tti ya alleto, ya akhwaadduni ni anaamukhwelle ayo enakhalla m'muzi mwanyu. Athu yaalla eweeke ni okusa ddoorama ddiwa. Mweereke ddenndda wi Apwiya Mullukwaanyu yuudalisekeni va mitteko ddanyu ddittheddene.”

2 Epilli 31:10

Azariya, muullupalli a allupa mukutho oyo aari a nibanja na Zadoki, aamwaakhulla wi, “Ovenyera mvo yaambilliiwa owaana ddoovelleella ddiwa o enyumba ya Apwiya nookhalla ni ddoocha ddinchichi nave ddoohallattho ddinchichi. Vawi Apwiya yohaadalisa athwaayo sika ekaambiiwa nihanlleehu ni ddinchichi ddiidda.”

Mateyu 25:17

Emoddamoddavettho mullupa mutteko aakhenlle meelli, aapindulavo makobiri mamodda meelli.