Miyambo 3:7 - Mawu a Mulluku

⁷ Ohinaddoonaka wonanko muthu eezeru koma owooveke Apwiya nave ohiye ddoonanara.

Miyambo 3:7 ပူးပေါင်းရင်းမြစ်များ

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

Miyambo 26:12

Ethiyo woomoona muthu oyo anaddeesa eezeru? Muthu ookarangeya ookhalla etiyerello omukhwaranya yooyo.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Yesaya 5:21

Otulli wa athu ayo enaddeesa wi tti eezeru ni oochenjeresesa.

Miyambo 14:27

Owoova Apwiya sika neetuutu a okumi, onnamweeriha muthu orapella misampha dda okhwa.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Eksodo 20:20

Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

2 Samuele 12:20

Davide aavenya vanthupini valle, ahapa, iihella makhura nave asintha ddoowara ddaye. Vano aavollowa mu enyumba ya Apwiya allapella. Vatulli viwa aaya owaniwa, iithaniha yoocha. Nave athu ewiillena yoocheelle, olliye aacha.

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Miyambo 14:16

Muthu eezeru annoova nave annahiya ddoonanara koma ookarangeya anniitukhulla nave khanatikheya.

Miyambo 23:4

Ohiitopihe ni waashaasha eyuuma, khalla eezeru wi wiihiihe.

Miyambo 26:5

Omwaakhulleke muthu ookarangeya moollikana ni okarangeya waye wi ahiddeese eezeru.

Miyambo 28:11

Muthu eeyuuma annaddeesa eezeru koma oohoowa oyo ari awiiwesesa aneeromudduwella phaama wi khanna ezeru.

Miyambo 28:26

Muthu anaroromella maganizwaayeve tti ookarangeya koma aweeta mweezeru aneerovulluwa.