Miyambo 3:5 - Mawu a Mulluku

⁵ Aroromelle Apwiya ni murimaawo muttheene. Ohinaroromellaka nnddo onaganizeewe wi onnadduwella.

Miyambo 3:5 ပူးပေါင်းရင်းမြစ်များ

Masalimo 37:5

Wiivelleelle m'mattani mwa Apwiya, waaroromelle nave eneerewuupwatha.

Miyambo 28:26

Muthu anaroromella maganizwaayeve tti ookarangeya koma aweeta mweezeru aneerovulluwa.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.

Miyambo 3:7

Ohinaddoonaka wonanko muthu eezeru koma owooveke Apwiya nave ohiye ddoonanara.

Yeremiya 10:23

Nyu Apwiya, kinnadduwella wi okumi wa muthu khe waaye, khanawora wiihoollella yeekha.

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

Masalimo 125:1

Athu ayo enaaroromella Apwiya tti oollipa wonanko mwaango wa Ziyoni, woohitikheya ni wookeraattheya wa enthawi yoohimalla.

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Miyambo 22:19

Kinnuudduwelliha ddenndda weyaano ollello wi ororomelleya wawo okhalle mwa Apwiya.

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

Miyambo 23:4

Ohiitopihe ni waashaasha eyuuma, khalla eezeru wi wiihiihe.

Aefeso 1:12

Sika eerille ddiidda wi hiyaano naari awaamba otiyerella mwa Khrisitu, nitetheella nave nititimihe ottekweene wa Mulluku!

Numeri 9:20

Enthawi emodda murapooyo wakhuneella va mallapo ooyeva yaanakhalla vanipuronimvo mallapo ooyeva moollikana ni lamulo na Apwiya. Vano yaanatimulla olendo Apwiya yalamula.

Numeri 9:22

Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.

Ezara 8:23

Sika ekaamba ya yeella, naahalla ocha* nave naavekella wa Mullukwaahu nave ahiiwa ovekella wahu.