4 Sika oneerekokondiwa ni Mulluku ni athu.
Nave Yesu ahunnuwa mu ezeru ni m'mwiillini nave aanakondiwa ni Mulluku ni athu.
Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.
Musombwe Samuele aavirellella wunnuwa ni waattana ni Apwiya owaaka athu attheene.
Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.
Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.
Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.
Nave Mulluku ahoollowiha murima wa enduneeyo wi emweerelle echifundo Daniele.
Yoolingaahu tti weera ddaphaama, ohiri va miitthove va Apwiya komattho vamiitthoni va athu.
Vawi oyo akiphwanyille oophwanya okumi, Apwiya eneeromweerella echifundo.
Apwiya ennamweerella echifundo muthu aphaama koma ennamuvaanyiha aweera ddoonanara.
Ezeru yaphaama ennakondelliwa koma ettilla ya oohiroromelleya tti woonongeya wiwa.
Apwiya yaamudalisa Hana wawi aakhalla ni erukullu aayara anamwani aallopwana araru aatthiyana eelli. Koma Samuele ahunnuwella o Shilo mu enyumba ya Apwiya.