Miyambo 3:3 - Mawu a Mulluku

³ Ohihiye echifundo ni ororomelleya nave oware munikohini mwawo ni oddilemba m'murimani mwawo.

Miyambo 3:3 ပူးပေါင်းရင်းမြစ်များ

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

Miyambo 7:3

Omakellelle o eyaalla ddawo nave waalembe m'murimani mwawo.

Aheberi 10:16

“Yavira mallapo yaayo, kineerokeraatthiha echipangano ni alliwaayo, kineerewiiyaatthi malamulwaaka m'maganizoni mwiwa ni waalemba m'murimani mwiwa.

Miyambo 6:21

Ovitthe m'murimani mwawo nave oddiware munikohini mwawo.

Malaki 2:6

Malamulo awoona yaari vayanoni vaye nave khaallotille yoohilungama. Aheeta ni miyaano mwamurendelle ni mwawookowa nave ahaahokollosa anchichi o ddoonanara.

Aefeso 5:9

vawi owala sika oneeriha ddaphaama, echilungamo ni yawoona.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Miyambo 20:28

Echifundo ni ororomelleya ddinnamuteteza mwene nave omwenaaye onnallipa ekaamba ya echilungamo.

Miyambo 1:9

Ddiri wonanko enduwira yamalluwa yooreera omuruni wawo. Ddiri wonanko ogufu wa munikohini mwawo.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 25:10

Ettilla ddittheddene dda Apwiya tti dda echikondi yoohisintheya, tti ddoororomelleya wa athu oosunga echipanganwiiwa ni malamulwiiwa.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Yeremiya 17:1

Apwiya enallota wi, “Machimo a Yuda elembiwe ni yoolembella yamukoko, ya etthoka yanlluku na daimondi va mirimani ddiwa ni va makuwiiwa.

Deuteronomo 6:8

Nave mwaamakellelleke wonanko echizindikiro va miwono ddanyu nave mwaahiyeke variyari va eyuuchi.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Mateyu 23:23

“Nyu, awoottha, ahuddihi a malamulo ni Afarisi, mookhalla ni otulli! Munnavelleella dda khumi dda ddoomella dding'onong'ono ddooddiviha yoocha. Koma munahiya wiiwellella mahuddero oopaalleya a malamulo amoddaalla, weeruza mwa echilungamo, weerella echifundo ni okhalla moororomelleya. Munaphwanella wi mweereke ddenndda oohihiya ddimoddannddo.

2 Samuele 15:20

Weyaano owiille oddilloddillova. Ollello kuukuse weeteeteke ni miyaano? Nko miyaano mwaneenaka kinayeemiwo nginadduwellawo. Hokollowa ni athwaawo nave Apwiya yuukonde nave eweerelle ddaphaama moollikana ni ororomelleya wiwa.”

Masalimo 85:10

Echikondi yoohisintheya ni ororomelleya ddineerokumana, echilungamo ni murendelle ddineerokhupaarellana.

Miyambo 14:22

Ethiyo oyo anaganizella ddoonanara khanahollowa? Ooganizella ddaphaama anneerelliwa echifundo ni ororomelliwa.

Eksodo 34:6

Apwiya yaavira vakhuviru ni Mose ekhuwaka wi, “Apwiya, Apwiya Mulluku eechifundo ni ooreera murima, oohisha murima mwawaakuva, ooddalla ni echikondi yoohisintheya ni oororomelleya.