Miyambo 3:2 - Mawu a Mulluku

² Vawi eneerowoonjerera mallapo manchichi nave oneerokhalla ni miyakha ddinchichi ni murendelle.

Miyambo 3:2 ပူးပေါင်းရင်းမြစ်များ

Miyambo 4:10

Mwanaka, apella maaru nave akhella mawaaka sika miyakha dda okumaawo ddineerewaata.

Miyambo 9:11

Ekaamba ya miyaano ezeru, mallapwaawo eneerewaata nave miyakha dda okumaawo ddineerewaanjerereya.

Masalimo 91:16

Kineeromuvaha okumi woorekama, kineeromooniha ovullusa waka.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Masalimo 128:6

Okhalle ni okumi woorekama wi woone edduullu ddawo. Murendelle okhalle ni Israele.

Masalimo 119:165

Ookonda malamulwaanyu aakhalla ni murendelle wawaata, khenna yawaakwakwatuwiha.

Miyambo 10:27

Owoova Apwiya onnarekamiha mallapo koma miyakha dda oochimwa ddinnayeva.

1 Timoteo 4:8

Waddollweella weera mattheella oollipiha mwiilli wookhalla ni oreera wa vang'ono koma waddollweella weera ddoomutitimiha Mulluku wookhalla ni oreera mu ddittheddene kaambiiwa onnalonjeza okumi wa ollello ni wa muhoollo.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Masalimo 21:4

Olliye uuvekilleni okumi, nyuwaano mwaamuvaha okumi woorekama, woohimalla.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Yesaya 32:17

Ekaamba ya yeella, mu ellapo ettheene muneerokhalla murendelle ni omaalleya ophiyera wa enthawi yoohimalla.

Yobu 5:26

Onaavollowe mu mahame wuulluvallesese, wonanko tirigu oohatiwa va enthawaaye.

Deuteronomo 11:21

Mwawi ddiiddo nyuwaano ni aniinyu muneerokhalla ni okumi wawaata mwiillaponi eyo Apwiya Mullukwaanyu yallupenlliiwa wi eneerewaavaha makhollwaanyu. Muneerokhalla mwemmo ophiyera mmo onaakhallelle ollekella wa oddullu ni ellapo yavatthi.

1 Mamwene 3:14

Nave waathwaraka ettilla ddaka vawiiwellellani malangizwaaka ni malamulwaaka monga attiitthaawo Davide, kineerewuuvaha okumi woorekama.”

Miyambo 16:31

Embwi ddiri wonanko enduwira yoomwene yoophwanyeya mu ettilla ya echilungamo.

Deuteronomo 5:32

“Nyu Aisraele muchenjere wi mweereke nnddo Apwiya Mullukwaanyu yuulamulalliiwani, oohirukunuwella onnattanatta apaalle wuunyotthoni.

Miyambo 4:4

attiitthaakaayo yaakihuddiha mawu awi, “Osunge m'murimani mwawo malangizwaaka nave ovitthe malamulwaaka wi okhalle ni okumi.