Miyambo 27:3 - Mawu a Mulluku

³ Nlluku tti noollemella, mihava tti ddoollemellettho koma ottatthamulla wa muthu ookarangeya tti woollemella okhwaranya ddittheddenndda.

Miyambo 27:3 ပူးပေါင်းရင်းမြစ်များ

Daniele 3:19

Vano Nebukadinezara ahaashella murima wunchichi nave ekhovaaye yahaatthattuwella Shadrake, Meshaki ni Abedenego. Olliye aalamula wi eng'anjo yamunllo ettettheeriwe otthanu ni opiilli okhwaranya mmo enattettheerelliiwa.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

Miyambo 17:12

Tti waphaama okumana ni echimbalangondo yaakhiwe musaaniiwa okhwaranya ni muthu ookarangeya aneera ddoolloddowa.

Genesis 49:7

Otembeleliwe osha murima kaambiiwa tti wawoopiha, otembeleliwettho owalliiwa kaambiiwa wenko tti ohoosa. Kineerewaamwara mu ellapo ettheene ya Yakobo, Kineerewaapallallesa variyari va Israele.”

Yobu 5:2

Ddawoona, osha murima onnawiipha oolloddowa, nrima ninnawoononga athu ookarangeya.

Miyambo 12:16

Muthu oosha murima wa muthu oonanara onnadduwanyeya mwawaakuva koma muthu eezeru khanapwatha epewe.

Miyambo 27:2

Muhiye muthu mmodda uutthamalle ohiri eyanwaawo. Muhiye mulleto uuriihe ohiri weekhaawo.

Miyambo 27:4

Osha murima onnawiiha ekuku nave onanariwa onnasefukella koma ehache ennattepa onanara okhwaranya ddittheddenenndda.

Numeri 22:27

Bulooyo amoonille mungelooyo aakonaatthi Balamooyo ari vamutthanani vaye. Balamu aasha murima wunchichi, amuukutha bulooyo ni ekopwaaye.