Miyambo 24:3 - Mawu a Mulluku

³ Ezeru ennamakiha enyumba, wiiwesesa onnakeraatthiha.

Miyambo 24:3 ပူးပေါင်းရင်းမြစ်များ

Miyambo 14:1

Mutthiyana eezeru ennamaka nibanja koma ookarangeya annanimwara ni mattaaye.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

Miyambo 9:1

Ezeru yoomaka enyumbiiwa nave yohaatthipella apotwiiwa atthanu ni eelli.

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

Yeremiya 10:12

Apwiya sika yaphatusalle ellapo yavatthi ni masiviiwa, yapangille ddittheddene ni ezeru ddiwa, yahaanddellella eddullu ni eruswiiwa.

2 Samuele 7:26

Sika nnddina nanyu nineerotitimihiwa wa enthawi yoohimalla, ollota wi, ‘Apwiya Amasiva Mattheene tti Mulluku a Aisraele.’ Nave nibanja na oorumeyellaanyu Davide nineerokeraattheya vamiitthoni vanyu wa enthawi yoohimalla.”