3 Veka odduwella nave ithana wiiwesesa.
Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.
Owaakhullelleke Apwiya mu erive ello nave eneerewookolla ettilla ddawo.
Apwiya winlla waka wiiweye wa nyuwaano, mukivahe wiiwesesa moollikana ni mawaanyu.
Mi tti oorumeyellaanyu mukivahe wiiwesesa wi kidduwelleke malamulwaanyu.
Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”
Mattaanyu yaakipanga nave yaakoopa, kivaheni wiiwesesa wi kihuddereke malamulwaanyu.
Kivaheni ezeru wi kisungeke malamulwaanyu, kaathwareke ni murimaaka muttheene.
Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.
Kinnaakonda ayo enakikonda, ookaashaasha ennakiphwanya.
Apella maaru o ezeru, hiya murimaawo va odduwella.
Ashaasha ezeru wonanko siliva apaalle eyuuma yoovittheya.
Nyu anamwani, mwiiwellelleke malangizo a attiitthaanyu, mwaapelleke maaru wi muphwanye wiiwesesa.
