Miyambo 2:1 - Mawu a Mulluku

¹ Mwanaka, huddera nnddo kinuuhuddiheemi nave osunge nnddo kinuulleelleemi.

Miyambo 2:1 ပူးပေါင်းရင်းမြစ်များ

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Miyambo 1:3

Ddinnahuddiha okhalla mweezeru, moolungama, moororomelleya ni moohikondella.

Miyambo 4:1

Nyu anamwani, mwiiwellelleke malangizo a attiitthaanyu, mwaapelleke maaru wi muphwanye wiiwesesa.

Miyambo 7:1

Mwanaka, sunga mawaaka nave vittha malamulwaaka.

Miyambo 6:21

Ovitthe m'murimani mwawo nave oddiware munikohini mwawo.

Yobu 23:12

Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

Miyambo 4:10

Mwanaka, apella maaru nave akhella mawaaka sika miyakha dda okumaawo ddineerewaata.

Luka 2:19

Koma Mariya aaddisunga m'murimani mwaye nave aanaddiganizera ddeko ddittheddenenndda.

Mateyu 13:44

“Omwene wa Mulluku tti wonanko eyuuma evitthiwe m'matani. Muthu ayiphwanya annayiivitthattho nave annahakallalla wawi annarowa akulliha ddeko ddaye ddittheddene. Eera ddiiddo annahokollweella akulla emateelle.

1 Timoteo 1:15

Mawu yaalla tti oororomelleya ni oophwanellella wi yaakhelliwe wi Khrisitu Yesu aawa va ellapo yavatthi wi aavulluse oochimwa. Miyaano kiri oonanara waakhwaranya athu attheene.

Luka 9:44

“Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

Masalimo 90:12

Vano nihuddiheni weerenga mallapwaahu wi nikhalle ni murima weezeru.

Deuteronomo 30:13

Apaallettho kheniri okhopella wa enyanja wi ttuukoha wi, ‘Ethiyo ttaani anaallapuwe wi anikuselle lamulo wi niniiwellelle ni onithwara?’

Miyambo 8:1

Ethiyo ezeru kheniithana? Ethiyo wiiwesesa khonakhuwa?

Miyambo 9:1

Ezeru yoomaka enyumbiiwa nave yohaatthipella apotwiiwa atthanu ni eelli.

Miyambo 28:7

Oosunga malamulo tti mwaana eezeru koma mukhwiiwa a oottutthuwa annaawulliha muru attiitthinnya.