Miyambo 18:3 - Mawu a Mulluku

³ Onanara ni owulliwa muru oneetella nimodda, makhallello oonanara ennawiiha ovevulliwa.

Miyambo 18:3 ပူးပေါင်းရင်းမြစ်များ

Miyambo 22:10

M'mwiikarihe muthu oovevulla nave okangana, ekhoto ni ovevullana oneeromalla.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

Miyambo 29:16

Yaata oonanara ddoolakwa ddinnanjerereya koma oolungama eneerewoona omora wiwa.

Miyambo 11:2

Vakhalla wiitukhulla vinnakhallattho owulliwa muru koma ezeru eri mwa awiiyeviha.

1 Petro 4:4

Nave athu oohimullapella Mulluku ennoona ddeelleto mwaahikhalla ni alliwa vaweerani ddoonanara, sika ennuullotellani epewe.

Masalimo 69:20

Murimaaka onnakivoreya ekaamba ya epewiiwa, kootathilla murima wunchichi. Kaawaashaasha amodda ookeerella echifundo koma khaarivo naari mmodda. Kaawaashaashattho amodda ookikhurumusa murima koma ngaamuphwanyille naari mmodda.

Masalimo 69:9

Echikondaaka va enyumbaanyu yookoononga, epewe ya athu awuuvevullani yookimorella.

Nehemiya 4:4

Vano kaavekella wi, “Naapelleni maaru Mullukwaahu vawi ninimanyaambusiwa. Onyaambusa wiwa waahokollweelle weekhiiwa nave epharelliwe okaporo mu ellapo yeelleto.

1 Samuele 20:30

Vaavo Saulo aamushella murima Yonatani nave amusimwella wi, “We mwaana oowukila ni oohiroromelleya wonanko amaayo. Ethiyo oneesa wi miyaano nginadduwella wi weyaano onniiwanana wunchichi ni Davide, mwaana a Yese. Khonadduwella wi anapaalla wuuwulliha muru weyaano ni amaaywaalla.

Miyambo 18:2

Muthu ookarangeya khanapwatha wiiwesesa, nnddo anapaalleeye tti wooniha dda m'murimani mwaye.

Miyambo 18:4

Mawu a muwano mwa muthu tti maaddi oowallamella, neetuutu eezeru tti muhinje wooddalla.

Miyambo 13:5

Muthu oolungama anniitana ni woottha koma oonanara anneera ddoonanara ni ddoowulliha muru.