Miyambo 17:3 - Mawu a Mulluku

³ Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Miyambo 17:3 ပူးပေါင်းရင်းမြစ်များ

Yesaya 48:10

Kaaweelliha koma ohiri wonanko siliva, kaaweesa mu eng'anjo ya ddoohoosa.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Masalimo 26:2

Nyu Apwiya, mukiwehesese nave mukeese, moone murimaaka ni maganizwaaka.

Miyambo 27:21

Siliva aneekiwa mwiipallini nave golide ni mu munllo wawoopiha emoddamoddave yeeyo muthu aneesiwa ni epillaaye.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Masalimo 66:10

Nyu Mulluku, mooneesa, mooneelliha wonanko siliva aweekiwa phaama.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Masalimo 139:23

Nyu Apwiya, ashaashani wi mudduwelle murimaaka, keeseni wi mudduwelle maganizwaaka.

Miyambo 15:11

Ellapo ya ookhwa ni woonongeya ddiri vamiitthoni va Apwiya. Yookatamiha ttiivi ni mirima dda athu?

Miyambo 17:2

Kaporo aweera ddeko mweezeru aneeromulamulella mwaana oowulliha muru nave aneerokawanana yoohallana ya abalaaye.

Ezekiele 22:18

“We mwaana a muthu, Aisraele attheene aatthattuwa oohikhalla ni mutteko m'mwiitthoni mwaka. Enaphwanaphwana ni mukuwa, echitini, mukoko ni muthove nnddo ddiri ddoohikhalla ni mutteko voomweekani siliva.

Daniele 11:35

Amodda eezeru eneerewiiphiwa wi eweese, eweellihe ni waahuwa ophiyera enthawi yoomalliha vawi eneerophiya enthawi eyo Mulluku akeraatthihalleeye.”

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Yobu 23:10

Koma annadduwella meetellwaaka, kineerokhalla wonanko golide akeesa.

Yobu 28:1

“Ddawoona, wookhalla mugodi wa siliva, owaaka nipuro noomweelliha golide.

Miyambo 16:2

Erive ettilla wa muthu tti ddaphaama vamiitthoni vaye koma Apwiya enneesa ddoolinga ddaye.

Miyambo 21:2

Erive ettilla wa muthu tti yaphaama vamiitthoni vaye koma Apwiya enneesa murima.