Miyambo 15:2 - Mawu a Mulluku

² Nllumi na muthu eezeru ninnallota phaama nnddo ninadduwelliwa koma muwano mwa ookarangeya munnallota ddoolloddowa.

Miyambo 15:2 ပူးပေါင်းရင်းမြစ်များ

Miyambo 12:23

Athu eezeru ennavittha odduwella wiwa koma ookarangeya ennoonihella vaweella okarangeya wiwa.

Miyambo 15:28

Muthu oolungama annaganizera mmo anaakhullelleeye koma muwano mwa moochimwa munnakhuma ddoonanara.

Miyambo 13:16

Muthu oochenjera aneera ddittheddene mweezeru koma ookarangeya annooniha olloddowa waye.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Miyambo 16:23

Murima wa muthu eezeru onnamullotiha mawu oochenjera nave onnahuddiha eyanwaaye.

Miyambo 15:23

Muthu annahakallalla ni waakhulla waphaama wa muwano mwaye. Ethiyo mawu oollotiwa mu enthawi yoophwanellella khehiyo aphaama?

Masalimo 59:7

Ayo eri nko, ennatokollolla wunchichi, ennakhuwa mweepewe, kaambiiwa m'murimani mwiwa ennallota wi, “Ttaani ananiiwa.”

Masalimo 45:1

Murimaaka wooddalla ni mwaha waphaama, kinamwiipella mwene echipwaakeella. Nllumi naka niri wonanko yoolembella ya muthu eeruso yoolemba.

Miyambo 15:7

Eyano ya muthu eezeru ennavuwiha odduwella koma ohiri ya oonanara.

Oollalleya 5:3

Waata wa ddookhupanya onnawiiha olloha woonanara nave waata wa mawu onnawiiha okarangeya.

Oollalleya 10:14

Muthu ookarangeya annoonjera mawu. Ethiyo ttuudduwella nnddo ddinaaweereye muhoollo? Ttaani anaawore omulleella muthu nnddo ddinaamweereyelle akhwa?

Miyambo 5:2

Vano oneerodduwella makhallello aphaama nave mawaawo eneerewooniha wi onnadduwella.