Miyambo 14:3 - Mawu a Mulluku

³ Ollota wawiitukhulla wa muthu ookarangeya onnamuwashulliha koma eyano ya eezeru ennamuteteza.

Miyambo 14:3 ပူးပေါင်းရင်းမြစ်များ

Miyambo 12:6

Mawu a muthu oonanara tti awiipha koma a oolungama tti oovullusa.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Daniele 7:20

Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Miyambo 28:25

Muthu anrima annaambiha okangana koma owaaroromella Apwiya aneerokhalla ni eyuuma.

Miyambo 22:8

Oyo anaalla ohilungama anahata ddookatamiha, ekopo ya owallaaye eneerewunttakeya.

Miyambo 21:24

Muthu ookota ni awiitukhulla anneeriwa “Oovevulla,” kaambiiwa anneera ddeko mwawiitthamalla.

Miyambo 18:6

Eyano ya muthu ookarangeya ennaambiha okangana nave muwano mwaye munnattatthamulla owashulliwa.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 12:3

Apwiya, tiyellani eyano ddittheddene ddawoottha, hiihani nirive nllumi nawiitukhulla.

Yobu 5:21

Aneerowaakihera wa athu ootetheella, voophiyani woononga khewoova.

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.

Masalimo 31:18

Akhurumuseni athu attheene awoottha oollota mwawiitukhulla ni mowaavevulla athu oolungama.

Miyambo 14:4

Nko ohiri eng'ombe khonakhalla yoocha koma wakhalla eng'ombe yamasiva onnakhalla ddeko ddinchichi.

Miyambo 13:3

Oophara eyanwaaye annasunga okumaaye koma oollota shisha annaddoononga.

Miyambo 18:7

Muwano mwa muthu ookarangeya munnamoononga, eyanwaaye ennakhalla musampha wa okumaaye.