Miyambo 1:9 - Mawu a Mulluku

⁹ Ddiri wonanko enduwira yamalluwa yooreera omuruni wawo. Ddiri wonanko ogufu wa munikohini mwawo.

Miyambo 1:9 ပူးပေါင်းရင်းမြစ်များ

Daniele 5:29

Vano Belishazara aalamula wi Daniele emuwarihe ddoowara ddooreera ddoofiira ni ogufu wagolide munikohini. Vatulli wiwa yaallalleya wi akhalle oolamulella aneeraru mu ellapweeyo.

Miyambo 4:9

Eneerewuuwariha enduwira ya echisomo ni korona* ooreera.”

Miyambo 3:22

Eneerewuuvaha okumi nave eneerokhalla wonanko ogufu munikohini mwawo.

Genesis 41:42

Enre ddiiddo, Farao aarulla emphete yoomwene muyaallani mwaye, amuwariha Yosefe oyaallani waye. Aamuwarihattho ddoowara ddabafuta ni ogufu wa golide munikohini mwaye.

Ezekiele 16:11

Kahuureeriha ni ddooreerihella, kuuwariha ebangili m'muwononi mwawo ni mikhova munikohini mwawo.

Yesaya 3:19

ogufu, makhoza, ekuwo yookhuneellana ekhove,

Nchipo na Solomoni 1:10

Wooreera, marama ni endolonndda, nikohi ni mikhova dda malluku oowallamella mutengo.

Daniele 5:16

Sika kohiiwa wi weyaano onnawora ottaphullella olloha navettho mawu ookhuweya. Weerenga malemba yaalla ni okilleella ottaphullella wiwa kineerewuuwariha ddoowara ddooreera ddoofiira ni ogufu wagolide munikohini mwawo nave onaakhalle oolamulella aneeraru mu ellapweella.”

Daniele 5:7

Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Nchipo na Solomoni 4:9

Wookitthomolla murima, we murokoraka, mwaaraka. Wookikusa murima ni mawehello a miitthwaawo, ni mmodda mwa ogufu wa munikohini mwawo.

Masalimo 73:6

Ennawara wiitukhulla wonanko mukhova wa mukohi ennawara ekuku wonanko malaya.

Miyambo 3:3

Ohihiye echifundo ni ororomelleya nave oware munikohini mwawo ni oddilemba m'murimani mwawo.

Yeremiya 35:8

Nohiiwellella lamulo na nikhollo nahu Yonadabu mwaana a Rekabu nave mu okumaahu muttheene khaninamuwiryeke vinyo, hiyaano apaalle awarihu, aniihu aallopwana ni aatthiyana.