Mitteko 9:40 - Mawu a Mulluku

⁴⁰ Petro ahaakhumiha attheenaayo muchipindanimmo, akokhora nave avekella. Vano aarukunuwella waari mutembooyo allota wi, “Tabita, venya!” Aakhunuulla miitthwaaye nave amoonilleeye Petro, aavenya akeraatthi.

Mitteko 9:40 ပူးပေါင်းရင်းမြစ်များ

Mateyu 9:25

Vano enthawi yeeyo athwaalle ekhumihiwe, Yesu aavollowa ochipindani wa namwallooyo amuphara nnatta nave avenya.

Mitteko 7:60

Aakokhora nave inlla ni mawu oowella wi, “Apwiya! Muhineerengella ochimwa wiwanngu!” Allotille ddenndda aakhwa.

Luka 8:54

Vano Yesu aamuphara nnatta naye amwiithana wi, “Mwaanawe, venya!”

Mitteko 20:36

Paulo amallihalleeye ollotanko, aakokhorana athwaalle avekella.

Luka 22:41

Nave ahaahiya arakamella wookwakhwana ovokha nlluku, wenko aakokhora nave avekella.

Mariko 9:25

Yesu oonilleeye wi mulloko wa athooyo onimawa mwawaakuva vamodda momwaatamella, vano aasimwella munepa woonanarooyo wi, “We munepa woohiiwa ni woohillota, kinimuulamula wi khumamo mwa musomboolla ohivollowemottho!”

Mitteko 21:5

Nave mallapwaahwaalle yamanlliiwa, naatimulla voolendonaahu. Attheene vamodda ni awariwa owaaka aniiwa, yaanivelleella okhuma m'muzindani mulle eniphiyiha mukhwipi mwa enyanja, wenko naakokhora attheene nave nivekella.

Mateyu 6:6

Koma weyaano waavekellaka vollowa mu echipindaawo yawiipittheya, owalle nchiwi, vano ovekelle wa Attiittho ayo ehinooneya. Vano Attiittho awoona ddawiipittheya eneerewuuthuva.

Mitteko 28:8

Attiitthinnya a Publiooyo yaamavoriiwa ereta yooviha mwiilli ni ereta yoohulla m'mirimani. Paulo aavollowa mpa yakonaatthilliiwammo, avekella navettho iiyaatthi mattaaye va olliye nave amuchiriha.

2 Mamwene 20:11

Vaavo namallotella Yesaya ahaatitimiha Apwiya mookhuwa. Nave Apwiya yaahokollosella muuthuuchooyo mutulli masitepe khumi va masitepe ayo mwene Ahazi aamakilleeye.