Mitteko 9:39 - Mawu a Mulluku

³⁹ Vano Petro aatimulla athaananana athwaayo. Aphiyalleeye, aakusiwa aya mu echipinda yavaddullweelle, wenko anaamukhwelle attheene yaatthukumana emwaapheella yinllaka nave emoonihaka malaya ni ddoowara ddittheddene Dorika asowilleeye ari mukumi.

Mitteko 9:39 ပူးပေါင်းရင်းမြစ်များ

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Miyambo 10:7

Oolungama annadala vawuupuwelliwani koma nnddina na oonanara nineerewunta.

1 Yohane 3:18

Anaaka, echikondaahu ehikhalleke ya mawuve ni ddoollotave koma enaphwanella ekhalleke echikondi yawoona, eyo enooneya ni ddaweereya.

1 Atesalonika 4:13

Asinnihu ni arokorihu, ninapaalla wi mudduwelle ddawoona dda ookhwa wi muhikhupanyeke wonanko ayo ehinna yootiyerella.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Mitteko 9:41

Petro aamuphara nnatta nave amukavihera wi iimelle. Vano aawiithana athu a Mulluku ni anaamukhwellaalle nave aawoonihella alliwaayo Dorikooyo ari mukumi.

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Mitteko 6:1

Mallapo yaayo ookhulupilila yaatiiwa, Ayuda oollota Egriki yaanakangana ni Ayuda oollota Eheberi kaambiiwa anaamukhwelliiwa kheyaavahiwa ddookawiwa dda nllapo ni nllapo.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Yohane 12:8

Vawi munnakhalla ni athu oohoowa mallapo mattheene koma khamukhalla ni miyaano mallapo mattheene.”

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Mariko 14:8

Yoolla oheera yoophwanella wi eere vookimiminellani makhura vamwiillini vaka okikhozera dda ovitthiwa waka.

Mateyu 26:11

Vawi munnakhalla ni athu oohoowa mallapo mattheene koma khamukhalla ni miyaano mallapo mattheene.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Oollalleya 9:10

Erive ello munaaweerekeenyu ni masivaawo mattheene. Vallethi onipuroni na ookhwa onayeewenko khori mutteko, oganiza, ezeru apaalle odduwella.

2 Samuele 1:24

“Nyu atthiyana a mu Israele, mwinllelleni Saulo, kaambiiwa aheeriha wi muwareke ddoowara ddaphaama, ddoofiira, wi mureeriheke ddoowara ddanyu ni golide.

Mitteko 1:13

Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo.

1 Timoteo 5:3

Waavaheke olemu anaamukhwelle ayo ehinna abaliiwa awaakavihera.

1 Timoteo 5:5

Oyo ari naamukhwellekhwelle navettho khanna oomukavihera, akeraatthihe etiyerellwaaye mwa Mulluku navettho avirellelle ovekella otthaana ni mahiiyu wi amukavihere.