Mitteko 9:36 - Mawu a Mulluku

³⁶ Vano mu Yopa mwaakhalla oohuddera aamutthiyana mmodda nnddina naye Tabita. (Mu Egriki nnddina naye ninattaphullella Dorika.) Aaneera mitteko ddinchichi ddaphaama anaakavihera oohoowa

Mitteko 9:36 ပူးပေါင်းရင်းမြစ်များ

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Tito 2:7

Weyaano okhalleke echisanzo ya makhallello aphaama mu ddittheddene. Ehuddihwaawo ekhalleke yawoona navettho ohuddiheke moolemu.

2 Epilli 2:16

Nave nineerophadda ddirive miteekho munapaalleenyu ovenyera o Lebanoni ni owaana wa nyu vooddimakani vamodda ni oddibellusa vanyanjani ophiya o Yopa ni oyaana o Yerusalemu.”

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Mitteko 10:31

nave allota wi, ‘Korineliyo! Mavekellwaawo ahiiweya navettho waakavihera wawo oohoowa wohaakhullelliwa ni Mulluku wonanko mukutho.

Ezara 3:7

Athu yaavelleella makobiri wa athu eeruso yoosema malluku ni oopala matabwa. Yaarumiha ddoocha, ddoowirya ni makhura wa Asidoni ni Atiro wi eweena miteekho ddamukunguza ovenyera o Lebanoni oyaana o enyanja, o Yopa moollikana ni waakhullelliwa wiwa ni Kirusi mwene a o Persiya.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

1 Atesalonika 4:10

Munneera ddenndda wa asinninyu ni arokorinyu attheene mu Masedoniya muttheene. Koma ninnullipihani murima, asinnihu ni arokorihu wi mweereke ddenndda ohiyana ni khalle.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.

Yohane 15:8

Mwaawimmaka ezipaso ddinchichi wooniha wi nyuwaano tti oohudderaaka Attiitthaaka eneerotitimihiwa.

Yohane 15:5

“Mi tti muteekho wa mpesa nave nyuwaano sika enthambi. Ayo enakhalla mwa miyaano nave miyaano mwa alliwa oneerewimma ezipaso vawi khamuwora weera ello kaahikhallavo miyaano.

Yona 1:3

Koma Yona aavollweella ettilla ehiri yeeyo ni maganizo awi athawe vamiitthoni va Apwiya. Sika aaya o Yopa, nko aphwanyilleeye echombo yooya o Tarishishi, wookhuma nndduwa wa ellapo ya Sipeni. Vano Yona aamuphadda tikiti oowellella echombweeyo nave atimulla olendo wooya o Tarishishi wi athawe vamiitthoni va Apwiya.

Miyambo 5:19

Wonanko epaalla yookonda ni naahe eechisomo, mapellaaye yuukwakhwanelleke enthawi ddittheddene nave okoliwe ni echikondaaye moohihiyerera.

Yoswa 19:46

Meyarikoni ni Rakoni navettho ellapo yoowehana ni Yopa.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Nchipo na Solomoni 8:14

Akuva ookondiwaaka musombwewe, okhalle wonanko mphoyo apaalle mwanapaalla anathamakella m'mwaangoni, mmo munamella ddawunkhelliha yoocha.

Nchipo na Solomoni 3:5

Nyu anamwalli a o Yerusalemu, ddawoona, kinimuuvekani, kinallupella mu nnddina na mphoyo ni epaalla ddamuhakani, wi echikondi muhiyitikheke apaalle oyivenyiha, ophiyera epaallille mwaneeniiwa. Namwalli

Nchipo na Solomoni 2:9

Okondiwaaka ari wonanko mphoyo apaalle mwanapaalla. Ngoonani, iimenlle okhote wa esiraahu, anawehera m'mawindoni, anatthurumella munyerengoni.

Mitteko 9:38

Yopa khaarekamellane ni Luda sika ookhulupilila a o Yopa yiiwalliiwa wi Petro aari o Luda, yahaarumiha athu eelli wi yamulleelle wi, “Mwaakuve muwe wuno.”

Mitteko 9:42

Epilli yeella yaavuwa mu Yopa mutthemwene nave wa athu anchichi owaakhulupilila Apwiya.

Mitteko 10:8

Ahaalleella ddittheddene ddeereyillennddo nave aaruma wi eye o Yopa.

Mitteko 10:23

Petro aawiithana athwaalle wi evollowe mpa nave ahaalleella wi ekone wenko nllapo nenno. Osaka wene aavenya aya vamodda ni athwaalle navettho ookhulupilila amodda oovenyera o Yopanko yaathananana.

Mitteko 11:5

“Kavekelleemi m'muzindani wa Yopa, kahoona m'masomphenya. Kahoona oddullu ohulleyille nave ello yawooneya wonanko ekuwo yuullupalli ekitthellaka va ellapo yavatthi vakhuviru ni miyaano ephareelliwe ni etthoka ddiwa ddisese.

Mitteko 11:13

Aanilleella mmo oonilleeye mungelo iimenlle mpa mwaye, oyo amulleelle wi, ‘Waarumihe athu a o Yopa yamwiithane muthu nnddina naye Simoni Petro.

Mateyu 25:17

Emoddamoddavettho mullupa mutteko aakhenlle meelli, aapindulavo makobiri mamodda meelli.