Mitteko 9:31 - Mawu a Mulluku

³¹ Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Mitteko 9:31 ပူးပေါင်းရင်းမြစ်များ

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

Yesaya 33:6

Eneerewuuvahani murendelle wookeraattheya va enthawaanyu, ovullusa wuullupalli, odduwella wunchichi ni ezeru ddinchichi vawi owoova Apwiya sika onavaha eyuumayuuma.

Miyambo 23:17

Murimaawo ohaakhallelleke ehache athu oochimwa koma owooveke Apwiya nirive nllapo.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

2 Akorinto 13:10

Kinamulemba kalatoolla kihinaphiye wi kaphiya kihikhalle oowalli voopharihani mutteko olamulello oyo Apwiya yakivahilliiwa. Olamulello yoolla tti wawuullipihani ohiri wawuumwarani.

2 Akorinto 10:8

Nave miyaano nginawulliwa muru naari kikotellaka wunchichi dda olamulello oyo Apwiya enivahilliiwa, olamulello woollipiha nyuwaano ohiri woogonjiha nyuwaano.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Mitteko 16:5

Sika mipingo ddaallipihiwa mu echikhulupililo nave athu yahaanjerereya nllapo ni nllapo.

Mitteko 12:24

Vano mawu a Mulluku yaavirellella ovuwa ni waakhullelliwa ni athu anchichi.

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Aheberi 4:9

Vano ekaamba ya yeella, lonjezo nawiithuuwa wonanko nllapo na Sabata na Mulluku wa athwaaye nookhallavove.

1 Timoteo 1:4

Waalleelle wi ehiye miyaha ddoohikhalla ni mutteko ni weerenga ntthopoollo noorekama na manddina a makhollo. Ddenndda sika ddinaambiha okangana nave khaddinakavihera mutteko wa Mulluku oyo onadduwanyeya mu echikhulupililove.

1 Atesalonika 5:11

Sika mullipihaneke murima ni okaviherana wonanko mmo muneerelleenyu.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

2 Akorinto 12:19

Apaalle munaganiza wi enthawi ettheene ninakhallella wiiteteza weekhiihu vamiitthoni vanyu. Khe ddiiddo! Koma ninallota mu eyaattano ni Khrisitu vamiitthoni va Mulluku. Nave akhwiihu ookondiwa, erive ello ninallota wi nuullipiheni.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

1 Akorinto 14:12

Vawi murimaanyu ori va waakhella emphaso dda Munepa, munaphwanella weeseesa ollipihella ophara mutteko va nnddo ddinakavihera omaka mpingo.

Aroma 14:19

Sika ninaphwanella wi erive enthawi neeseeseke okhalla mwamurendelle ni okaviherana wi nikhalle ni echikhulupililo yoollipa.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Zekariya 8:20

Apwiya Amasiva Mattheene enallota wi, “Enthawi ya owa wa athu oovenyera o mizinda ddinchichi eneerokwakhwana.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Masalimo 94:13

Munnamwiithuuwiha mallapo a ddoohoosa ophiyera oonanara akatelliwe nlliti.

1 Epilli 22:18

“Ethiyo Apwiya Mullukwaanyu khari ni nyuwaano? Nave khaawuuvahilleni murendelle o embali ddittheddene? Vawi yohaavelleella aneetthi attheene a mwiillaponimmu m'mattani mwaka mwawi ahaagonjella Apwiya ni athwiiwa mwawi yoogonjihiwa vamodda ni athwiiwa.

1 Epilli 22:9

Kaapelle maaru, oneeromuyara mwaana aamullopwana. Anaakhalle muthu amurendelle. Kineeroweeriha adanaaye attheene oomwaapheella wi ehiwanekena. Nnddina naye ninaakhalle Solomoni nave kineeromuvaha Israele murendelle ni omaalleya mu olamulellwaaye ottheene.

Oweeruza 3:30

Sika nllapo nenno Amowabu yaagonjihiwa ni Aisraele. Vano Aisraele yaakhalla mwamurendelle miyakha 80.

Yoswa 21:44

Apwiya yahaavaha murendelle variyari va athu amodda attheene oowaapheella moollikana ni nnddo yallupellelliiwa wa makhollwiiwa. Khaavo naari muthu mmodda mwa adaniiwaayo oyo awonre waagonjiha, Apwiya yahaavelleella adaniiwa m'mattani mwiwa.

Deuteronomo 12:10

Mwallapuwa muhinje wa Yordani, Apwiya Mullukwaanyu eneerowaakhullellani okhalla mu ellapo eyo enuuvahiiwani wonanko yoohallanaanyu. Eneerowakiherani wa adanaanyu attheene wi mukhalle mwamurendelle.

Mitteko 2:47

Nave yaanamutitimiha Mulluku nave yaanakondiwa ni athu attheene. Vano nllapo ni nllapo Apwiya yanawaanjerera omullokonooyo ayo yavullusiwe.

Mitteko 5:11

Mpingo muttheene ni athu amodda attheene ayo yiiwalle ddenndda yahoova.

Mitteko 20:32

“Nave vano kinuuhiyani mwa Mulluku ni wa mawu a echisomwaaye. Annawora owunnuwihani ni wuuvahani madaliso ayo anaavaheeye athwaaye.