Mitteko 9:27 - Mawu a Mulluku

²⁷ Koma Baranaba aawa amukavihera nave amukusa ayaana wa amurummwa. Ahaatthopoollella ddeereye wi Saulo aawoona Apwiya vamusewuni nave yaallotana. Ahaalleellattho wi Saulo aallipa murima voollalleyani mu nnddina na Yesu mu Damasiko

Mitteko 9:27 ပူးပေါင်းရင်းမြစ်များ

Mitteko 4:36

Nave waakhalla muthu mmodda nnddina naye Yosefe a nlloko na Levi oyo avenyera o Kupro. Amurummwa yaamuvaha nnddina nawi, Baranaba ottaphullella wi, “Oollipiha murima.”

Mitteko 4:29

Vano, Apwiya, neerelleni echifundo kaambiiwa ennanoopopiha nave nillipiheni hiyaano oorumeyellaanyu wi nillote othengaanyu moollipa murima wunchichi.

Mitteko 4:13

Attekweene a Ayuda yoonilliiwa ollipa murima wa Petro ni Yohane nave wi yaari athu shisha oohihuddera, yaattikhina. Navettho yaadduwella wi yaanakhalla vamodda ni Yesu.

Agalatiya 2:13

Ayuda amodda yahaambattho okhalla wonanko Petro nave naari Baranaba aakuseya murima ni makhallello awootthaayo.

Agalatiya 2:9

Yakobo, Petro ni Yohane ayo yooneya wi tti oohoollella, yaadduwella wi Mulluku aakivaha mutteko waphaama yoolla, sika yaaniphara matta miyaano ni Baranaba woonihella wi attheene naari awaattana. Nahiiwanana ni Baranaba wi naphare mutteko variyari va athu ayo ehiri Ayuda nave alliwa variyari va Ayuda.

1 Akorinto 15:8

Voomallihella ahooneyattho wa miyaano naari kaphwanaphwanaka ni muthu ooyariwa mallapo ehinakwakhwane.

1 Akorinto 9:6

Apaalle Baranaba ni miyaano tti weekhiihu ninaphwanella ophara mutteko wi nikhallena makobiri?

Mitteko 15:2

Nave Paulo ni Baranaba yaavaanyihanana athu oovenyera o Yudeyaayo moollipa dda yeella. Sika yahiiwanana wi Paulo ni Baranaba owaaka athu amodda o Antiyokeya eye o Yerusalemu yawoone amurummwa ni attekweene wi yakambirane dda ehuddihweella.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 12:25

Baranaba ni Saulo yamallihalliiwa muttekwiiwa yaahokollowa ovenyera o Yerusalemu, emukusalle Yohane Mariko.

Mitteko 11:25

Vano Baranaba aaya o Tariso wi amwaashaashe Saulo.

Mitteko 11:22

Epilleella yaaphiya wa mpingo mu Yerusalemu, sika yaamurumiha Baranaba wi aye o Antiyokeya.

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

Mitteko 9:29

Aallotattho ni okambirana ni Ayuda oollota Egriki nave alliwaayoottho yaapaalla omwiipha.