Mitteko 9:22 - Mawu a Mulluku

²² Koma Saulo aavirellella ollalleya mwamasiva manchichi. Nave ahaahalleelliha Ayuda ookhalla o Damasiko voowoonihellani wi Yesu sika Mesiya.*

Mitteko 9:22 ပူးပေါင်းရင်းမြစ်များ

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Yesaya 40:29

Ennaallipiha ootopa, ennawoonjerera masiva oofooka.

1 Akorinto 1:27

Koma Mulluku aatthoolla nnddo ddiri ddookarangeya vamiitthoni va athu wi aawullihe muru athu eezeru. Aatthoolla nnddo ddiri ddoofooka wa athu wi aawullihe muru athu amasiva.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Mitteko 17:3

Nave ahaatthopoollella mawu a Mulluku navettho aawoonihella wi Mesiya* anaphwanella ohoosiwa nave avenye wa ookhwa. Nave aallota wi, “Yesu yoolla kinamullalleyeemi wa nyuwaano sika Mesiyooyo.”

Masalimo 84:7

Masiviiwa ennavirellella waata, Mulluku a milluku awooneya mu Ziyoni.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Genesis 49:24

Koma olliye muuraaye wahiimella moollipa nave miwono ddaye ddaallipattho, ni masiva a Mulluku Amasiva Mattheene a Yakobo, oyo tti Mbusa, Nlluku na Israele.

Masalimo 51:13

Vano oochimwa kineerewaalangiza ettilla ddanyu, oolakwa eneerohokollweella wa nyuwaano.

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 9:21

Athu attheene yamwiiwalle yaanattikhina nave enakoha wi, “Muthu yoolla khe olle awiiphalle athu yamullapella Yesu o Yerusalemu? Ethiyo awiille wuno wi aaphareke athu ayeena wa allupa mukutho uullupalli?”

Mitteko 9:23

Viviralle mallapo manchichi Ayuda yaakumana vamodda nave yiiwanana wi emwiiphe Saulo.

Mitteko 9:27

Koma Baranaba aawa amukavihera nave amukusa ayaana wa amurummwa. Ahaatthopoollella ddeereye wi Saulo aawoona Apwiya vamusewuni nave yaallotana. Ahaalleellattho wi Saulo aallipa murima voollalleyani mu nnddina na Yesu mu Damasiko

Agalatiya 1:18

Ddiviralle miyakha miraru kaaya o Yerusalemu wi nakambirane ni Petro nave kaakhalla ni olliyooyo milungu miilli.

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,