Mitteko 9:20 - Mawu a Mulluku

²⁰ Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 9:20 ပူးပေါင်းရင်းမြစ်များ

Yohane 20:28

Tomasi ahaakhulla wi, “Apwiyaaka ni Mullukwaaka!”

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Mateyu 27:43

Annamukhulupilila Mulluku, yooyothi amuvulluse vano aarimi amwaakhullellaka olliyooyo. Vawi aallota wi, ‘Miyaano kiri Mwaana a Mulluku.’ ”

Mateyu 4:3

Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

Yawuupullulla 2:18

“Omulembelle oohoollella a mpingo wa o Tiyatira wi, “Alla sika mawu oovenyera wa Mwaana a Mulluku, oyo miitthwaaye tti wonanko mallumi amunllo, manyallwaaye oowala wonanko mukoko wooreerihiwa awi,

Aroma 1:4

Moollikana ni Munepa Waweella, Mulluku aamutthoolla olliye ni masiva uullupalli wi akhalle mwanaye, Yesu Khrisitu, Apwiihu voomuvenyihani wa ookhwa.

Mitteko 13:14

Nave yaavirellella ovenyera o Perga ephiya wa Antiyokeya a mu echigawo ya Pisidiya nave va nllapo na Sabata yaavollowa mu enyumba yamavekello ekeraatthi.

Mitteko 13:5

Yaphiyalliiwa o muzinda wa Salamisi, yaallalleya mawu a Mulluku mu enyumba ddamavekello.* Yaarittho ni Yohane Mariko oyo aakavihera mutteko.

Mitteko 9:22

Koma Saulo aavirellella ollalleya mwamasiva manchichi. Nave ahaahalleelliha Ayuda ookhalla o Damasiko voowoonihellani wi Yesu sika Mesiya.*

Mitteko 8:36

Yavirellelliiwa ni musewooyo, yaaphiya vanipuroni vamodda vookhalla maaddi nave muullupallooyo aallota wi, “Ngoona maaddi, yookihiiha ttiivi wi kihibatiziwe?”

Yohane 20:31

Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.

Yohane 19:7

Ayudaalle yaamwaakhulla wi, “Nookhalla ni malamulo awi anaphwanella okhwa kaambiiwa ahiiromolla yeekhaaye Mwaana a Mulluku.”

Mateyu 27:54

Akhoto muullupalli a o Roma ni akhotwaaye ayo yamuwehera Yesu, yahoona echivomerezi ni ddeko ddittheddene ddeereya. Yahoova wunchichi ellota wi, “Ddawoona, olla aari Mwaana a Mulluku!”

Mitteko 13:33

Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Mitteko 14:1

Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Mitteko 16:13

Va nllapo na Sabata naavenyawo omuzindaninko niya omuhinjeni, nko neesahu wi wookhalla nipuro nawi Ayuda ennatthukumanawo enavekella. Sika naakeraatthi ninallota ni atthiyana yatthukumane wenko.

Mitteko 17:2

Vano Paulo aaya o enyumba yamavekello vawi aaddollweella nave aakhalla wenko wa milungu miraru akambiranaka ni athu.

Mitteko 17:10

Waripalliiwa, ookhulupililaayo yahaarumiha Paulo ni Sila o Bereya. Yaphiyalliiwa, yaavollowa mu enyumba yamavekello.

Mitteko 17:17

Sika aakambirana ni Ayuda ni athu ayo ehiri Ayuda, oomullapella Mulluku, mu enyumba yamavekello. Navettho aanakambirana nirive nllapo vamusikani ni athu ayo yaari wenko.

Mitteko 18:4

Nirive nllapo na Sabata aanakambirana ni Ayuda naarittho Agriki* mu enyumba ddamavekello* wi ekhulupilile.

Mitteko 18:19

Nave yaphiyalliiwa o Efeso, Paulo ahaahiya Prisila ni Akwila wenko. Aavollowa mu enyumba yamavekello nave aakambirana ni Ayuda.

Mitteko 19:8

Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.

Agalatiya 1:16

aamuupullulla mwanaye wa miyaano wi kaallalleyelle athu ayo ehiri Ayuda othenga waphaama wa olliye. Nave ngaayiille wa arive muthu wi akilleelle ezeru.