Mitteko 9:16 - Mawu a Mulluku

¹⁶ Vawi kineeromooniha mmo anaahoowelleeye wunchichi ekaamba ya nnddina naka.”

Mitteko 9:16 ပူးပေါင်းရင်းမြစ်များ

1 Atesalonika 3:3

wi mmodda ahihokollweelle mutulli ekaamba ya ddoohoosa ddenndda. Nyuwaano nyookha munnadduwella wi ddoohoosanndda Mulluku aari addaakhullelle wi ddeereye.

Mitteko 21:11

Aphiyalleeye vaarihumvo, aamukusa laamba a Paulo iimakana m'manyalloni ni m'mattani mwaye nave allota wi, “Munepa Waweella oollota wi, mwaneena a laamboolla aneeromakiwa ddiiddattho ni Ayuda o Yerusalemu nave eneeromuvelleella wa athu ayo ehiri Ayuda.”

2 Akorinto 6:4

Koma mu erive ello ninooniha wi niri oorumeyella a Mulluku. Vawi ninnavillella ddookhupanyiha, ddoohoosa, ddookatamiha,

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Mateyu 5:11

“Muri oodalisiwa athu yaawuunyaambusakani, yaawuuhoosakani nave yaawuullotellakani mwawoottha ddoonanara ddittheddene kaambiiwa nyuwaano tti oohudderaaka.

Mateyu 24:9

“Vano muneeromakiwa ni okuselliwa woollakiwa ni wiiphiwa. Athu attheene eneerowiitani kaambiiwa nyuwaano tti oohudderaaka.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.

Mitteko 21:4

Nahaaphwanyawo ookhulupilila nave naakhalla ni alliwa wa mulungu mmodda. Mwa Munepa Waweella yaamulleella Paulo wi ahiye o Yerusalemu.

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Mitteko 9:14

Vano oowa wuno o Damasiko ni olamulello wa allupa mukutho uullupalli wi aamake athu attheene enuullapellani nyuwaano.”

Yesaya 33:1

Otulli wa awoononga, we ohinoonongiweke! Otulli wa awoottottha, we ohinoottotthiweke ni arive muthu! We wahiya woononga oneerewoonongiwa nave wahiya woottottha oneerewoottotthiwa.

Mitteko 9:6

“Koma venya wi wavollowe m'muzindanimmo nave eneerewuulleella yoophwanella wi weere.”

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”