Mitteko 8:5 - Mawu a Mulluku

⁵ Nave Filipo* aaya o muzinda muullupalli wa Samariya aallalleyella athu dda Mesiya.*

Mitteko 8:5 ပူးပေါင်းရင်းမြစ်များ

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Mitteko 21:8

Osaka wene naatimulla naphiya o Kaisareya. Naavollowa mpa mwa Filipo* oollalleya, oyo aari mmodda mwa athu atthanu ni eelli ayo yatthoolliwe wi yaakavihereke amurummwa.

Mitteko 8:40

Filipo oonille wi ari mu muzinda wa Azoto ovenyera wenko aayattho o Kaisareya nave muttilla mutthemwene avireeyemo aanallalleya mu erive etawoni othenga waphaama.

1 Akorinto 3:11

Vawi Mulluku oomuhiyavo khalle Yesu Khrisitu okhalla matthipello yaayove nave matthipello mamodda khekeraatthihiwa.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

1 Akorinto 2:2

Vawi kaariimi ni nyuwaano, kaaganiza otiwalla erive ello opatula Yesu Khrisituve oyo atthomeyiwe vamutandani.

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 8:1

Nave Saulo aaniiwanana ni wiiphiwa wa Sitefanonko. Nllapo nene nenno mpingo wa o Yerusalemu wahaamba ohoosiwa wunchichi. Ookhulupilila attheene waahiya amurummwa, yaapallalleyella mu echigawo ya Yudeya ni ya Samariya.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 8:6

Athu anchichi yahaapella maaru wi yiiwe ddalloteeye ni woona ddoottikhiniha aneereeye.

Mitteko 8:26

Mungelo a Apwiya aallota wa Filipo wi, “Venya nave oyeelle omwera okuse musewu woovenyera o Yerusalemu oya o Gaza.” (Muttano musewu yoolla khoneetiwa.)

Mitteko 8:30

Vano Filipo aamuthamakella nave aamwiiwa eerengaka nibukhu na namallotella Yesaya, amukoha wi, “Onniiwesesa oneerengeewenndda?”