Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mitteko 8:39 - Mawu a Mulluku

39 Yakhumalliiwa m'maaddinimmo, Munepa a Apwiya aamukusavo Filipooyo. Muullupallooyo khaamoonille wiilli nave aavirellella olendwaaye addalliwe ni ehakallallo.

အခန်းကိုကြည့်ပါ။ ကော်ပီ




Mitteko 8:39
29 ပူးပေါင်းရင်းမြစ်များ  

Apaalle mi kavenyavo mva, munepa a Apwiya ttuuwuuvenyihanivoni oya nko kihinadduwelleemiwo. Vano kaya kamulleella Ahabu, olliye aahuuphwanyanivoni aneerokiipha naari mi oorumeyellaanyu kiwoovaka Apwiya waambeella enamwanaaka.


Nave alliwa yaamulleella wi, “Vano ngoonani, oorumeyellaanyu nookhalla ni athu 50 amasiva. Pepaani, akhullellani wi etimulle yamwaashaashe pwiinyu Eliya. Apaalle munepa a Apwiya oomukusa amuvokhella omwaangoni waamodda apaalle o ntapo.” Elisha ahaakhulla wi, “Iyaayi muhaarume.”


Vatulli viwa Munepa a Mulluku aakitukhulla akiphiyiha wa akaporo a mu Babiloni. Ddittheddenenndda ddeereya m'masomphenya moollikana ni mmo Munepa a Mulluku akoonihelleeye. Vano ddeko nnddo kaddooneemi ddahaamba othiima.


Aattaphurusa ello yookhalla wonanko nnatta akipharana meehi va muru. Vaavo Munepa a Mulluku aakivaviha. Mookhalla wonanko kinamoona Mulluku m'masomphenya, akikusella o Yerusalemu akihiya va mullako woovollowella muwari, ompoto nko nifano noottatthamulla osha murima wa Mulluku.


Munepa a Mulluku aakitukhulla akivollochiha mu nipuro namuwari. Vano ngoonani, ntitimiho na Apwiya naaddalla mu enyumbeeyo.


Munepa a Mulluku aakikusella o mullako wa wookhuma nndduwa wa enyumba ya Apwiya. Vamullakonimvo vaakhalla allopwana 25 nave variyari viwa kaawoonavo oohoollella, Yazaniya mwaana a Azuri ni Pelatiya mwaana a Benaya.


Akhumalleeye ovenyera m'maaddini, enthawi yeeyo ahoona oddullu ohulleyaka. Nave Munepa Waweella akitthaka wonanko ekhunda va olliye.


tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.


Koma vano munnakota ni wiitukhulla. Wiitukhulla wenko tti woonanara.


Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!


Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!


Ookhulupilila a mu Antiyokeya yaaddalliwa ni ehakallallo owaaka Munepa Waweella.


Vano mwaakhalla ehakallallo yinchichi m'muzindanimmo.


“Omwene wa Mulluku tti wonanko eyuuma evitthiwe m'matani. Muthu ayiphwanya annayiivitthattho nave annahakallalla wawi annarowa akulliha ddeko ddaye ddittheddene. Eera ddiiddo annahokollweella akulla emateelle.


Yesu abatiziwe wene, enthawi yeeyo aakhumamo m'maaddini nave oddullu waamuhulleyella, vano ahoona Munepa a Mulluku akitthaka wonanko ekhunda va olliye.


Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.


Malamulwaanyu tti yoohallanaaka yoohimalla, ddawoona, enahakallalliha murimaaka.


Weeta mu ettilla ya malamulwaanyu onnakihakallalliha okhwaranya okhalla ni eyuuma yinchichi.


Vano ahaakusa Paulo ni Sila ayaana owaniwa aavaha yoocha. Nave olliye ni nibanja naye yaahakallalla ni murimiiwa muttheene kaambiiwa yaamukhulupilila Mulluku.


Nnatta namasiva na Apwiya naakiphara, munepa a Apwiya aakitukhulla akikeraatthiha variyari va ntapo. Ntaponno naari nooddalla ni makhuva.


Nave Munepa Waweellooyo aallota ni Filipo wi, “Khawe waatamelle va vanigaretanimvo.”


Muullupallooyo ahiimesa nigaretanno nave Filipo ni muullupallooyo yaakitthella m'maaddinimmo nave Filipo aamubatiza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ