Mitteko 8:35 - Mawu a Mulluku

³⁵ Vano Filipo ahaamba ollota, aambeelle va mawu yaalla, aamullalleyella dda othenga waphaama dda Yesu.

Mitteko 8:35 ပူးပေါင်းရင်းမြစ်များ

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Mitteko 18:28

Vawi mwamasiva ahaavaanyiha Ayuda athu yoonaka, wooniha mwa mawu a Mulluku wi Yesu tti Mesiya.

1 Akorinto 2:2

Vawi kaariimi ni nyuwaano, kaaganiza otiwalla erive ello opatula Yesu Khrisituve oyo atthomeyiwe vamutandani.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Mateyu 5:2

Ahaamba waahuddiha oohudderaayo wi,

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Aefeso 4:21

Mwahiiwa dda olliye nave nyuwaano vookhallani oomuthwaraaye mwaahuddihiwa dda yawoona eyo eri mwa Yesu.

2 Akorinto 6:11

Akhwaaka ookondiwa a o Korinto, ninnuulleellani mwawiiweya nave nohuuhiyani vamurimani wunchichi.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

Mitteko 19:13

Ayuda amodda ayo yakhulla weeteeta ekhumihakattho minepa ddoonanara yaapaalla weera yeella mu nnddina na Apwiya Yesu. Yaallota wa minepa ddoonanarannddo wi, “Kinuulamulellani nyuwaano mu nnddina na Yesu, oyo anallalleyiwa ni Paulo.”

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 3:20

Vano Apwiya eneerewuuvahani enthawi yawiithuuwa nave eneeromurumiha Yesu, oyo tti Mesiya, oyo amutthoonlleeye khalle ekaamba ya nyuwaano.

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 8:34

Muullupallooyo aamukoha Filipo wi, “Killeelleni, namallotelloolla anallota ddawani? Ddayeekha apaalle dda muthu mmodda?”