Mitteko 8:3 - Mawu a Mulluku

³ Koma Saulo aheeseesa woononga mpingo. Aavollowa mu enyumba ddittheddene aapurullamo ookhulupilila attheene, allopwana ni atthiyaneene nave aahiya mundende.

Mitteko 8:3 ပူးပေါင်းရင်းမြစ်များ

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.

Afilipi 3:6

Nave kaakhalla awaakuva wunchichi voohoosani mpingo. Moollikana ni echilungamo yoophwanyeya vawiiwellellani malamulo, miyaano ngaachimwalle.

Agalatiya 1:13

Moolleelliwa mmo kakhallelleemi voollapellani mu Eyuda, mmo kahoosilleemi mpingo wa Mulluku moohimoriwa ethakaraka nave kaheeseesa woononga mpingooyo.

1 Akorinto 15:9

Vawi miyaano tti murummwa ooyevesesa mwa attheene. Nginaphwanella wi keeriwe murummwa kaambiiwa kaahoosa mpingo wa Mulluku.

Mitteko 22:19

Kahaakhulla wi, ‘Apwiya, ennadduwella phaama wi kaaya o enyumba ddamavekello* nave kahaaphara ni owuukutha ayo yakhulupililalle mwa nyuwaano.

Mitteko 9:21

Athu attheene yamwiiwalle yaanattikhina nave enakoha wi, “Muthu yoolla khe olle awiiphalle athu yamullapella Yesu o Yerusalemu? Ethiyo awiille wuno wi aaphareke athu ayeena wa allupa mukutho uullupalli?”

Mitteko 7:58

Yaamukhumihella otte wa muzinda nave emuvokha malluku. Amboni ayo yamuvaanyiha Sitefano yaahiya ddoowara ddiwa m'mattani mwa musombwe mmodda ooromolliwa Saulo wi addiwehereke.

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Mitteko 16:19

Vano apwinnya yoonilliiwa wi oowaphwanyella makobiroolle oochira, yahaaphara Paulo ni Sila yaapurullella wa attekweene a millatu vamusikani.