Mitteko 8:29 - Mawu a Mulluku

²⁹ Nave Munepa Waweellooyo aallota ni Filipo wi, “Khawe waatamelle va vanigaretanimvo.”

Mitteko 8:29 ပူးပေါင်းရင်းမြစ်များ

Mitteko 10:19

Enthawi yeella Petro aari aganizeraka dda masomphenyanndde, Munepa Waweella waallota wi, “Athu araru enimuupaalla weyaano.

Mitteko 11:12

Munepa Waweella aakilleella wi kaathware kihikhoote. Ookhulupilila Akhwiihu atthanu ni mmodda oovenyera o Yopa yaathanana ni miyaano o Kaisareyanko nave attheenehi naavollowa mpa mwa Korineliyo.

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

Mitteko 21:11

Aphiyalleeye vaarihumvo, aamukusa laamba a Paulo iimakana m'manyalloni ni m'mattani mwaye nave allota wi, “Munepa Waweella oollota wi, mwaneena a laamboolla aneeromakiwa ddiiddattho ni Ayuda o Yerusalemu nave eneeromuvelleella wa athu ayo ehiri Ayuda.”

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

1 Akorinto 12:11

Nave tti Munepa mmoddave yooyo aneera ddittheddenenndda. Annavaha emphaso yoohiyanahiyana wa arive muthu mmo anapaallelleeye.

Mitteko 8:26

Mungelo a Apwiya aallota wa Filipo wi, “Venya nave oyeelle omwera okuse musewu woovenyera o Yerusalemu oya o Gaza.” (Muttano musewu yoolla khoneetiwa.)

Mitteko 8:28

Vano aamahokollweella owaniwa nave aari awenlle garetaaye, eerengaka nibukhu na namallotella Yesaya.

Mitteko 8:30

Vano Filipo aamuthamakella nave aamwiiwa eerengaka nibukhu na namallotella Yesaya, amukoha wi, “Onniiwesesa oneerengeewenndda?”

Mitteko 8:39

Yakhumalliiwa m'maaddinimmo, Munepa a Apwiya aamukusavo Filipooyo. Muullupallooyo khaamoonille wiilli nave aavirellella olendwaaye addalliwe ni ehakallallo.

Mitteko 28:25

Sika vaakhalla ohiiwanana variyari va mullokooyo nave yaavenyavo, Paulooyo allotilleeye ello emodda yawi, “Munepa Waweella aallota phaama wa makhollwaanyu oweella mwa namallotella Yesaya!

Aheberi 3:7

Sika vano Munepa Waweella anallota wi, “Mwiiwa mawu a Mulluku ollello,