Mitteko 8:24 - Mawu a Mulluku

²⁴ Simoni aallota wa Petro ni Yohane wi, “Kivekellelleni wa Apwiya wi ehikhallevo ello emodda ya ddeko ddenndda mullotilleenyunndda enaakeereyelle.”

Mitteko 8:24 ပူးပေါင်းရင်းမြစ်များ

Numeri 21:7

Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

Eksodo 8:8

Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

1 Mamwene 13:6

Mwene Yerobowamu aamulleella muthooyo wi, “Muvekelle wa Apwiya Mullukwaanyu wi achirihe nnatta nakanna.” Vano muthooyo aavekella wa Apwiya nave nnattanne naahokollweella mwakhalle.

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.

Eksodo 12:32

Mukuse enkhosa ddanyu, epuri ddanyu, abulwaanyu ni eng'ombe ddanyu ddene moollikana ni mmo mwallotilleenyu nave muvenyemo. Mwavekelle wi nameenettho akidalise.”

Eksodo 10:17

Koma vano pepaani, mukikhululukelle va enthawi yeellave nave muvekelle wa Apwiya Mullukwaanyu wi ekivenyihelle ollaka wawoopihanngu.”

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Ezara 8:23

Sika ekaamba ya yeella, naahalla ocha* nave naavekella wa Mullukwaahu nave ahiiwa ovekella wahu.

Ezara 6:10

wi evelleelleke mikutho ddoomuddivella Mulluku a oddullu ni ovekella okumi wa mwene ni anaaye.

1 Samuele 12:19

Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”

Genesis 20:17

Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

Yeremiya 37:3

Vano mwene Zedekiya aamuruma Yehukala mwaana a Shelemiya ni mullupa mukutho Zefaniya mwaana a Maaseiya wa namallotella wi amulleelle wi, “Munivekelle wa Apwiya Mullukwaahu.”

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.