Mitteko 8:22 - Mawu a Mulluku

²² Vano ohiye ddeko ddoonanaranndda nave ovekelle wa Apwiya wi yuukhululukelle maganizwaawo oonanara.

Mitteko 8:22 ပူးပေါင်းရင်းမြစ်များ

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Mitteko 9:11

Apwiya yaallota wi, “Venya oye omusewuni wa m'muzindanimmu wooromolliwa, ‘Musewu wowookowa.’ Khawe o enyumba ya Yudasi wenko wakohere dda muthu nnddina naye Saulo a o muzinda wa Tariso vawi animavekella.

Yawuupullulla 2:21

Koomuvaha enthawi yawi arukunuwe murima koma khanapaalla ohiya oraruwa waye.

Mitteko 8:20

Koma Petro aamwaakhulla wi, “We ni makobiraawaayo mukhwelle nimodda kaambiiwa waaganiza okulla emphaso ya Mulluku voovelleellani makobiri!

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Yona 1:6

Vano kaputeni a echombo aaphiya wa Yona nave aamukoha wi, “Ethiyo we namakona, onaphuravo tini vaava? Venya! Vekella wa mullukwaawo! Apaalle ttuunimoriwella ethakaraka wi nihoonongeye.”

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Amosi 5:6

Waashaasheni Apwiya wi mukhalle ni okumi. Mwaaheera ddiiddo eneerowoosa ni munllo athu a o Israele, oneerewaashellelliha a o Betele oohikhallavo oowuthiimiha.

Miyambo 24:9

Maganizo ookarangeya tti nichimo nave muthu oovevulla annaananara athu.