Mitteko 8:10 - Mawu a Mulluku

¹⁰ Nave arive muthu m'muzindanimmo, waambeella muullupalli ophiyera mung'onong'ono yaanamwaapella maaru enallota wi, “Muthu yoolla sika masiva a Mulluku ooromolliwa, ‘Masiva muullupalli.’ ”

Mitteko 8:10 ပူးပေါင်းရင်းမြစ်များ

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Yawuupullulla 13:3

Mmodda wa miru dda enama yuullupalli yawoopiheeyo wooneya wonanko waakhalla ni nikhwata nookhwana koma nikhwatanno naavolla. Nave athu attheene a va ellapo yavatthi moottikhina yaathwara enama yuullupalli yawoopiheeyo.

2 Petro 2:2

Naari ddiri ddiiddo, athu anchichi eneerothwara makhallellwiiwa oonanara nave sika ekaamba ya nnddo eneeriiwa, eneeroweeriha athu amodda ollotella epewe ettilla yawoona.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

2 Akorinto 11:19

Vawi nyuwaano muri eezeru munnaavillella ookarangeya moohakallalla!

1 Akorinto 1:24

Koma wa ayo yiithaniwe ni Mulluku, Ayuda ni athu ayo ehiri Ayuda, Khrisitu tti masiva a Mulluku ni ezeru ya Mulluku.

Mitteko 28:6

Yaatiyera wi Paulo aneerewiipa mwiilli muttheene apaalle okhwa mwawiikuha moorurumusa. Yatiyenriiwa enthawi yoorekama ehoonaka ello emweereyellaka, yaarukunuwa maganizo ellota wi, “Yoolla tti mmodda a milluku!”

Mitteko 14:11

Athwaayo yoonilliiwa eerille Paulonnddo, yahaamba okhuwa mu ellotellwiiwa ya Elikaoniya wi, “Milluku ddawooneya wonanko athu ddoonikitthella!”

Yona 3:5

Athu o Nineve yaakhulupilila othenga wa Mulluku. Sika yaallalleya wi arive muthu, waambeella muullupalli ophiyera mung'onong'ono, athute ddoocha nave aware echiguduli wooniha olapa.

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 42:1

Vano oohoollella attheene a akhoto ni Yohanani mwaana a Kareya, Azariya mwaana a Hoshaya ni athu attheene, uullupalli ni ang'onong'ono yaaya wa namallotella Yeremiya emulleella wi,