Mitteko 7:55 - Mawu a Mulluku

⁵⁵ Koma Sitefano addalliwe ni Munepa Waweella, aaweha oddullu oona ntitimiho na Mulluku ni Yesu iimenlle onnattanatta na Mulluku.

Mitteko 7:55 ပူးပေါင်းရင်းမြစ်များ

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Mitteko 6:10

Koma kheyaaworille ollipana ni ezeru nnddo Sitefano avahiweeye ni Munepa Waweella mu ddoollota ddaye.

Mitteko 6:8

Sitefanooyo aaddalla ni echisomo ni masiva ddoovenyera wa Mulluku wawi aheera ddoottikhiniha dduullupalli ni ezizindikiro ddinchichi variyari va athu.

Mitteko 6:5

Athu attheene yaahakallalla ni nnddo yallotille amurummwa, sika yaamutthoolla Sitefano, muthu ooddalla ni echikhulupililo ni Munepa Waweella. Navettho yahaatthoolla Filipo,* Prokoro, Nikanore, Timoni, Parmenasi ni Nikolasi a o Antiyokeya* oyottho ahaari Muyuda koma athwara echikhulupililo ya Ayuda.

Aheberi 8:1

Mwaha muttheene ninalloteehu tti wawi nookhalla ni mullupa mukutho muullupalli, oyo anakeraatthi onnattanatta na mpando woomwene wa Mulluku Amasiva Mattheene ooddullu.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Yohane 12:41

Yesaya aallotille ddenndda kaambiiwa ahoona ntitimiho na Yesu nave allotella dda olliyooyo.

Masalimo 109:31

Apwiya enniimella onnattanatta na muthu oopaneya, omuvullusa wa athu ookamulla wi wiiphiwe.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mika 3:8

Koma miyaano kooddalla ni masiva a Munepa wa Apwiya. Kooddalla ni echilungamo ni ollipa murima wi kaahumullulle a nibanja na Yakobo ekaamba ya ddoolakwa ddiwa nave wi kiwoonihe Aisraele ddoonanara ddiwa.

Ezekiele 11:23

Ntitimiho na Mulluku naawella ohiya muzindooyo niimella vamwaangoni wa wookhuma nndduwa wa muzindooyo.

Ezekiele 10:4

Ntitimiho na Apwiya naavenyavo mvo naariiwa, vaddullu va akerubi, naphiya vatthi va mullako wa enyumba ya Mulluku nave enyumbeeyo yaaddalla ni murapoolle. Vano ntitimiho noowala na Apwiya naaddalla va nthato.

Yawuupullulla 21:11

nave waanawala ni ntitimiho na Mulluku. Owala wiwa waari wonanko nlluku noowallamella mutengo, yasipi, nawooneya wonanko nigalasi noowala.

2 Petro 1:17

Vawi aavahiwa ntitimiho ovenyera wa Mulluku Attiitthinnya, oyo anaromolliwa wi Ntitimiho Nuullupalli nave oyo allotille wa olliye wi, “Olla sika Mwanaka ookondiwa, mwa olliye kinnahakallalla wunchichi!”

Mitteko 4:8

Vano Petro, ahoollelliwe ni Munepa Waweella, aawaakhulla wi, “Oohoollella a athu ni attekweene,

Yohane 14:3

Nave kuukhozerani nipuronno, kineerohokollowa wi kuukuseni nithaanane wi mwakhalle nko kinaakhalleemi.

Ezekiele 10:18

Vano ntitimiho na Apwiya naavenyavo vatthi va mullako wa enyumbiiwa oya vaddullu va akerubi.

Ezekiele 3:23

Sika kaatimulla kiya otapo. Wenko kahoona ntitimiho na Apwiya wonanko mmo koonelleemi omuhinjeni wa Kebara. Kahiivokhella ni opopheya ekhove vatthi.”

Yohane 11:41

Sika yaavenyihavo nllukunne. Nave Yesu aaweha oddullu allota wi, “Attiitthaaka, kinnuuthokozani wi munnakiiwellella miyaano.