Mitteko 7:45 - Mawu a Mulluku

⁴⁵ Ddimallille ddenndda makhollwaahu yahaakhella musasa ovenyera wamakhollwiiwa, yaawaana wuno Yoswa aariiye oohoollelliiwa nave yaakhilliiwa ellapo ovenyera wa mitundu nnddo ddiikarihiwe ni Mulluku alliwaayo yawiiwa. Yaari variyari viwa ophiyera enthawi ya mwene Davide.

Mitteko 7:45 ပူးပေါင်းရင်းမြစ်များ

Masalimo 44:2

Nyuwaano mwahiikariha mitundu ddimodda dda athu, koma makhollwaahu mwahaakeraatthiha mu ellapwiiwa. Nyu mwaahoosa mitundu ddimodda dda athu, koma makhollwaahwaayo mwahaavaha murendelle.

Mitteko 13:19

Aheeriha wi mitundu mitthanu ni miilli ddoonongiwe mu Kanani nave aweera athwaaye ekhalla aneena a ellapweeyo.

Yoswa 24:18

Hiyaano naphiyeehu, Apwiya yaawiikariha athu attheene naari Aamori ayo yakhalla mwiillaponimmu. Sika ekaambiiwa hiyaano ninaawarumeyelleke Apwiya vawi tti Mullukwaahu.”

Yoswa 23:9

Apwiya yaawiikarihellani mitundu dduullupalli nave ddamasiva. Ophiyera ollello khaavo naari mmodda anawora ollipana ni nyuwaano.

Yoswa 18:1

Aisraele attheene yaatthukumana o Shilo emakawo musasa wamutthukumano nave ellapo yahaagonjella.

Aheberi 4:8

Yoswa aweerihalleke athwaayo wi yiithuuwe wonanko mmo Mulluku allotelleeye khalle, Mullukooyo khaallotettho vatulli viwa dda nllapo nimodda nawiithuuwa.

Masalimo 78:55

Ahiikariha mitundu ddimodda dda athu waavenyihamo muttilla, aayikawakawa ellapwiiwa wi ekhalle yoohallana ya athwaaye, aakeraatthiha malloko a Israele m'misasani mwa athwaayo.

Nehemiya 9:24

Sika edduullu ddaavollowamo ddaakha ellapweeyo. Mwahaagonjihella athu a mwiillaponimmo, Akanani. Mwahaavelleella mamwene ni athu attheene amwiillaponimmo wi eweerena erive ello enapaalliiwa.

1 Epilli 21:29

Musasa wa Apwiya oyo Mose amakilleeye muchipululuni mulle ni nikuwa na mukutho wooshellelliha, ddittheddene ddaari nipuro noollapellamo o mwaango wa Gibiyoni

1 Epilli 16:39

Vano Davide aamuhiya Zadoki, mullupa mukutho ni allupa mukutho akhwaaye o musasa wa Apwiya, nipuro noollapellamo o mwaango wa Gibiyoni.

1 Mamwene 8:4

Allupa mukutho ni Alevi sika yawiillena nibokosi na echipangano na Apwiya vamodda ni musasa wamutthukumano ni eziwiya ddittheddene ddoopatuleya nnddo ddaari m'musasanimmo.

1 Samuele 4:4

Vano yahaaruma athu oya o Shilo wookusa nibokosi na echipangano na Apwiya Amasiva Mattheene ayo enakhalla va akerubi.* Anamwani a Eli, Hofini ni Finehasi yaaya nimodda ni nibokosinne omisasani ddakhotonndde.

Oweeruza 18:31

Sika enthawi ettheene enyumba ya Mulluku yaariiwa o Shilo, athu a nlloko na Danaalle yallapella nifano nne Mika anipangilleeye.

Deuteronomo 32:49

“Wella mwaango wa Nebo, o miyaango dda Abarimu nnddo ddiri mwiillaponi ya Mowabu moowehana ni muzinda wa Yeriko nave oyoone ellapo ya Kanani eyo kinaavaheemi a Israele.

Masalimo 80:8

Mwaakhumiha mpesaanyu Israele mu ellapo ya Iguputo, mwahiikariha mitundu ddimodda dda athu wi mwaalle mpesooyo.

1 Epilli 7:27

Elishama aamuyara Nuni nave Nuni aamuyara Yoswa.