Mitteko 7:43 - Mawu a Mulluku

⁴³ Mwaatukhulla musasa woomullapellamo mulluku Moleki ni etheneeri ya mullukwaanyu Refani, nndda ddaari mafano moopilleenyu wi muddillapelleke. Sika kineerewuurumihani wa ellapo yaaneena ohiyana ni o Babiloni.’

Mitteko 7:43 ပူးပေါင်းရင်းမြစ်များ

2 Mamwene 21:6

Vatulli viwa aamuvelleella mwanaye aamullopwana monga mukutho. Aanoombesa makhanga ni weera dda masenga ni okhwiri. Aheera ddoonanara ddinchichi vamiitthoni va Apwiya nnddo aashihalleeyena murima.

2 Mamwene 18:11

Mwene o Asiriya ahaaphara Aisraele ayaana o Asiriya wuukaporoni. Ahaahiya o muzinda wa Hala owaakattho vakhuviru ni muhinje wa Habori mu echigawo ya Gozani ni o mizindani dda Amedi.

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

Levitiko 18:21

Ohinamukusa arive mwanawo wi omuheraatthi mukutho wa mulluku Moleki woova wi anaaripihe nnddina na Mullukwaawo. Mi tti Apwiya.

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Amosi 5:25

“Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?