Mitteko 7:42 - Mawu a Mulluku

⁴² Sika Mulluku ahaahiya nave aavelleella omallapello a etheneeri ddooddullu, ollikana ni ddalembiwe mu nibukhu na namallotella wi, ‘Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Mitteko 7:42 ပူးပေါင်းရင်းမြစ်များ

Ezekiele 20:39

“Koma nyu Aisraele, mi Apwiya Mulluku kinallota wi, ‘Khaweni mwarumeyelle mafanwaanyu! Koma vatulli viwa muneerokiiwellellattho nave khamuwa muripiha nnddina naka naweella voovelleellani emphaso wa mafanwaanyu!

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Hoseya 4:17

Athu a o Efuremu aapataana ni mafano, ddayiwa ddennddo.

Ezekiele 8:16

Vano aakikusella o nthato na muwari mwa enyumba ya Apwiya. Wenko, va mullako wa enyumba ya Apwiya, variyari va nikhote ni nikuwa vaakhalla allopwana 25. Yaareya etulli enyumba ya Mulluku, enaweha wookhuma nndduwa nave enallapella nndduwa.

Yesaya 66:4

Sika miyaano kineerewaallaka nave kineerowoopopiha kaambiiwa kheyaawaakhunlle kawiithaneemi apaalle waapella maaru mvo kalloteemi. Yaheera ddoonanara vamiitthoni vaka, yaatthoolla weera ddeko ddookinanara.”

Yoswa 24:20

Mwaahiya Apwiya Mullukwaanyu munarumeyella milluku ddeelleto, eneerewuurukunuwellani ni oweerellani yoonanara nave eneerewuutthollosani naari khalle yaweerelleni ddaphaama.”

Ezekiele 20:25

“Woonjerera vaavo kahaavaha malamulo ayo yahaari aphaama ni malangizo ayo yahaavahille okumi.

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

2 Mamwene 21:3

Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu wonanko eerelle Ahabu mwene a Aisraele. Nave aanallapella ni orumeyella etheneeri.

2 Mamwene 17:16

Yaatathilla malamulo mattheene a Apwiya Mullukwiiwa, yiipangella mafano meelli, asaana amukoko eeng'ombe eelli. Yaapangattho mafano mamodda a Asherimu enallapella ddeko ddamuddullu owaakattho Baala.

Deuteronomo 17:3

nave atathinlle echipangano voollapellani ni orumeyella milluku ddimodda monga nndduwa, mweeri apaalle etheneeri nnddo kahiihalleemi wi ehiddillapelleke.

Yesaya 43:23

Khawaavelleelle wa miyaano enkhosa wi ddikhalle ddoovelleella ddooshellelliha, khawaakititimihalle ni mikutho ddawo. Nguullemenlle vawuuvekani ddoovelleella ddawo, nguutopihalle vawuuvekani lubani.*

Aheberi 3:9

Mulluku aallota wi, “Vaavalle yaakeesa, ekillika miyaano, naari yaari yoonille kenreemi.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

Mitteko 13:40

Vano chenjerani wi ddallotiwe ni anamallotella ddiheereye wa nyuwaano ddawi,