Mitteko 7:38 - Mawu a Mulluku

³⁸ Tti oyo aari ni athu a o Israele yatthukumanniiwa muchipululuni mulle. Wenko aari namunkhoswe a makhollwaahu ni mungelo oyo allota wa olliyooyo m'mwaangoni wa Sinai nave ahaakhella mawu ookumi a Mulluku wi anivahe hiyaano.

Mitteko 7:38 ပူးပေါင်းရင်းမြစ်များ

Aroma 3:2

Okhalla Muyuda tti waphaama mu ettilla ddittheddene! Vawaamba, Mulluku ahaavaha Ayuda mawaaye wi yaasunge.

Aheberi 5:12

Mwaaphwanella muri ahuddihi vawi voollekella mwaambeelleenyu valle navettho munapaalla wi muthu mmodda aambe wuuhuddihani mahuddero awaamba a mawu a Mulluku. Munipuroni nawi mucheke yoocha yoollipa, munapaalleya wi muwiryekeve mukaka.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Mitteko 7:53

Tti nyuwaano mwaakhenlle malamulo a Mulluku ayo yavelleelliwe ni angelo komattho khamwaawiiwellelle!”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Deuteronomo 33:4

Malamulo ayo Mose avelleelleeye, yoohallana ya mutundu wa Yakobo.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Aheberi 2:2

Mawu yalleelliwe makhollwaahu ni angelo yahoonihiwa wi yaari awoona kaambiiwa athu ayo yahithwanre apaalle wiiwellella yaallakiwa moollikana ni mitteko ddiwa.

Agalatiya 3:19

Vano yoolinga ya malamulo tti tini? Yahaanjereriwa wi yoonihe machimo nave yaaphwanella wi ekhallevove ophiyera owa wa edduullu ya Abrahamu, oyo eerelliwe lonjezonno. Malamulo yavelleelliwe wa Mose oweella mwa angelo. Nave Mosooyo aari wonanko namunkhoswe.

Aroma 9:4

Alliwaalla tti a Aisraele, aaweera anaaye nave ahuupullulla ntitimiho naye wa alliwa. Ahaavaha echipangano, malamulo, ollapella wawoona ni malonjezo.

Mitteko 7:35

“Mose tti olle akhootiwe ni Israele emukohaka wi, ‘Ttaani aweerille wi okhalle muullupallaahu nave aweeruzaahu?’ Tti oyottho Mulluku amurumalleeye mungelo amoneyella vamakukhuni ookhara munllo wi akhalle muullupalliiwa nave wi awoopolle.

Mitteko 7:30

“Viviralle miyakha 40 mungelo ahooneyella wa Mose m'munlloni wookhara vamakukhuni muchipululuni vakhuviru ni mwaango wa Sinai.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.